Read Maru CAUNG: KHIN" 136 Bible Online

CAUNG: KHIN" 136 - Maru bible

CAUNG: KHIN" 136

¹ASANG wa- gai yaug ngad mung: yao: re jeju caung: ge,- Yao" jhid'de; myid wa apyad ato ngad: ra".

²So alhab' tho' je: qi" qhang: thao" yaug re jeju caung: ge, Yao" jhid'de; myid wa apyad ato ngad: ra".

³ASANG alhab' tho' mae je: qam: bo: thao" yaug re jeju caung: ge,- Yao" jhid'de; myid wa apyad ato ngad: ra".

⁴Yao: dayaug za: qi" qhang: ra" mug' pho: ve, lho jham kad' ra". Yao" jhid'de; myid wa apyad ato ngad: ra".

⁵Yao: wa- yao" pha,jhi" yang mug:gaung re phan" to" ra". Yao" jhid'de; myid wa apyad ato ngad: ra".

⁶Yao: wa myid gaung re no; ra" qid tham: mae zhaug' to" ra". Yao" jhid'de; myid wa- apyad ato ngad: ra".

⁷Yao: wa ba we' lho" re phan" to" ra". Yao" jhid'de; myid wa apyad ato ngad: ra".

⁸Na" re eib nae" ba re phan" to" ra". Yao" jhid'de; myid wa apyad ato ngad: ra".

⁹Myi" re eib nae" lho" we' kyi jham re phan" to" ra". Yao" jhid'de; myid wa apyad ato ngad: ra".

¹⁰Yao: wa Egutu qenho: yauggai zoqhid' qere se' pye' ra". Yao" jhid'de; myid wa apyad ato ngad: ra".

¹¹Yao: wa Israel byumyu" re Egutu mae" jhui" thug' lo: ra". Yao" jhid'de; myid wa apyad ato ngad: ra".

¹²Yao" nho: qam: bo: ra" lo, we' qam: qi" ra" lo, pau" yang jhui" thug' lo: ra". Yao" jhid'de; myid wa apyad ato ngad: ra".

¹³Yao: wa Pang:lai:: Nae re kho' pye' ra". Yao" jhid'de; myid wa apyad ato ngad: ra".

¹⁴Yao: wa yao" byumyu" re ai: khyo" jhui" lai: lo" ra". Yao" jhid'de; myid wa apyad ato ngad: ra".

¹⁵Ngadqere: yao: wa- Egutu kho:kham we' yao" zug: qere qid mae nab: shid nhao: ra". Yao" jhid'de; myid wa apyad ato ngad: ra".

¹⁶Yao: wa yao" byumyu" re din"pyad' yo khyo" jhui" lai: lo: ra". Yao" jhid'de; myid wa apyad ato ngad: ra".

¹⁷Yao: wa qam: so' bo: ra" kho:kham qere se' pye' ra". Yao" jhid'de; myid wa apyad ato ngad: ra".

¹⁸Yao: wa mang qi" ra" kho:kham qere se' pye' ra". Yao" jhid'de; myid wa apyad ato ngad: ra".

¹⁹Amon byumyu" nho: kho:kham Sihon re se' pye' ra". Yao" jhid'de; myid wa apyad ato ngad: ra".

²⁰Bashan kho:kham Oga rere: se' pye' ra". Yao" jhid'de; myid wa apyad ato ngad: ra".

²¹Yao: wa yao: bam: mug: myid re yao" byumyu" qe: lo, khyo byid' pye' ra". Yao" jhid'de; myid wa apyad ato ngad: ra".

²²Yao: wa aijham re yao" byumyu" Israel qere byid' pye' ra". Yao" jhid'de; myid wa apyad ato ngad: ra".

²³Ngonhaung" gye seim" ra" au: yao: ngonhaung" re mato" myhid'. Yao" jhid'de; myid wa apyad ato ngad: ra".

²⁴Yao: wa ngonhaung" re- ngonhaung" gyevo qenho: lo, mae" loe, beim nhao: ra". Yao" jhid'de; myid wa apyad ato ngad: ra".

²⁵Yao: wa daui: ra" gug'nyhug' alhab' re zo:ve byid' ra". Yao" jhid'de; myid wa apyad ato ngad: ra".

²⁶Mug: khaung: mung"dan: mae" Mao"So re jeju beim: so: ge, Yao" jhid'de; myid wa apyad ato ngad: ra".