Read Maru CAUNG: KHIN" 137 Bible Online

CAUNG: KHIN" 137 - Maru bible

CAUNG: KHIN" 137

¹Babelon mung" mae" qid gyaung: yae mae ngonhaung" zaung: jo; bam mung: Ziun re ngonhaung" myid: beim" ke' re ai: mae ngonhaung" kaug' ngug: na:

²Mug: ma-o gae nhae mae ngonhaung" nho: tang: jham re lhao" to" pye' va".

³Ngonhaung" re taung" yu mo, wa ngonhaung" re Nghaui"caung: nhao: ako" Ziun we' sin" ra" khyo re nghaui"caung: nghaui" qu" ge, ga: yao: bam ngonhaung" re ta" ako"

⁴Ngonhaung" wa taung bug: mang: mae ASANG re khoru: nghaui" caung: qo" khun" caung: nae" i?

⁵Yerusalem we"- nao re ngo ato" myhid' pye' ngad: re ngo khonhae" re: tang: madam: qo" be, lo: vashao:

⁶Nao re ngo mamyid: beim: re nao re nga" ngaui bau" thao" ra" khyo khyo" mamyid re ngo khonhae" re: nghaui" caung: madam: qo" khun" lo: vashao:.

⁷ASANG we"- Yerusalem re zin" aung: yu: ra" ba mae Edom byumyu" qe pe" kad' ko" rure myid: beim: wa, Yao: bam khoru: mung:- aire myidgaung khyo phyo' khyo" pye' ge, ga: ta" na ko" rure myid: beim: wa,

⁸Babelon we"- nao wa phyo' qheim" pye'ru qhug' li" nae" Nao: yang ngonhaung" re pe" ru: kad' co' va" rure nao re lage, dam:phaug' byid: yaug-

⁹ni" zo: nug' nau" qere vo; yu mung: laug bam dao mae pye' mhan" se' ra" yaug wa ngaui lho" ra" wo".