Read Maru CAUNG: KHIN" 138 Bible Online

CAUNG: KHIN" 138 - Maru bible

CAUNG: KHIN" 138

¹ASANG we"- ngo wa nao re nga" nhag' lam: alhab' yang jeju beim: so" ra". So qe: qhid' kheim: mae nao re ngo caung: khin" nghaui"caung: byid: ra".

²Ni" mabaui mabyo; ra" jhid'de; myid we' dao:so: jhaug' zaug: ra" mathao mae ni" mang we' ni" amyin" dao: jham wa khid: thao" rure nao qhu" byid' ra" mathao mae- ngo wa ni" Caung:pa" Yham khyo myo,khung: lhang mung: goe; gyo" yang: ni" mang re caung khin" ra". Pe"mung:ga"re nao wa ngore ni" mang qhu"byid: va" rumung: ni" amyin" dao: jham wa qi" qhang: jo; ra"-

³Nao re ngo khai: yao: re nao ngore tau: byid' ra"- Ni" qam" yang nao ngore qam: ke' byid' ra".

⁴ASANG we"- Mug: myid dao mae" kho:kham alhab' wa ni" dao:so: jham re the' gyo: gemung: ASANG nao re caung:hkin" li" genae"

⁵Nao kad' lo va" rure yao: bam caung:khin" li" genae" Ni" qi" qhang: ra" phungbao rere: caung:khin" li" genae"

⁶Nao wa gyai myhao: rumae na: jo, qere: nyham: gyo" jo, mo, re nao qu" caung byid: mung:- ngad beim: mo, wa nao mae" maqo" phao: vho' ngad: ako".

⁷Ngo re qug: khai: jham: yang lhang" kham" to" au: nao ngore gug: gam taung" jhui" yu: ra". Nao wa- ngore nhag' yo"na ko" ra" nga" gyevo qere gye phaug' kad' mung:- ni" qam: so' yang ngore khyad' yu: ra".

⁸Nao wa nao to" ra" dao:so: alhab' re zaui" pyang" li" nae". ASANG we"- ni" jhid'de; myid wa apyad ato ngad: ra". Nao kad' qhid: to" ra" mau" re kyab' sho' kad' pin" wa,