Read Maru CAUNG: KHIN" 148 Bible Online

CAUNG: KHIN" 148 - Maru bible

CAUNG: KHIN" 148

¹ASANG re caung:khin" byid: ge,- ASANG re mug:gaung mae caung:khin" ge, Qho"- tho' zhao" myhao mae na ko" ra" naonhaung" we"- ASANG re caung:khin" ge,.

²Yao" mug: lagyo: qe alhab' we"- yao: re caung:khin" ge,- mug: khaung mae" yao" gyetab alhab' we"- yao: re caung:khin" byid: ge,.

³Ba we' lho" we"- yao: re caung:khin" byid: ge,. Bao: ra" kyi jham we"- yao: re caung:khin" byid: ge,.

⁴Myhao: thao" ra" mug: khaung jham we"- yao: re caung:khin" byid: ge, Mug:gaung: atho' mae" qid jham we"- yao: re caung:khin" byid: ge,.

⁵Yao: bam alhab' mo, wa- ASANG: mang a re caung:khin" byid: vageshao:- yao: amyin" byid' ke' mung:- yao: bam re phan" thug' ke' ra".

⁶Yao" amyin" dao: khyo"- yao: bam: jo, qo mae apyad ato jo; jo, nhao: ra". Aimung: yao: bam wa mho dao: magyo: lo: maqo" kad' ngad: ako".

⁷Pang:lai: mao jaung: jham we' no; ra" nammugdara tham: alhab'- lhe' cad' we' lagqu- gyu: we' jham thaui: jham we' yao" amyin" dao: re gyo" ra" aug'la mo" qe we"- ASANG re myid gaung mae" caung:khin" ge,

⁹Bug gaung jham we' bam jham- shi: gae jham we' sag mo" yo jham- gug'nyhug' jham alhab'- amai" we' akyao- yoe" du" lhau: ra" ja: we' ngho' jham alhab' we"- yao: re caung:khin" ge,.

¹¹Kho:kham qe we' mung" byu qe alhab'- kho:kham nau" qe we' zug: gatau alhab'- zomyi: nau" qe we' zolau: nau" qe- mao: zo: qe we' zoshao qere: yao: re caung:khin" byid: ge,.

¹³Ai bam alhab' mo, wa- ASANG: mang-a re caung:khin" vageshao:- yao" mang wa mang gaje alhab' tho' je: qi" qhang: ra". Yao" nho: phungbao wa myidgaung we' mug: khaung atho' mae jo; ra".

¹⁴Yao: wa yao" byumyu" re qam: bo: jo, nhao: ra". Aimung: byumyu" alhab' wa yao: re caung:khin" li" genae". Yao: re gyai jhid'de; ko" ra" Israel byumyu" re qam: qo" nhao: ra". ASANG re caung:khin" byid: ge, wo".