Read Maru CAUNG: KHIN" 149 Bible Online

CAUNG: KHIN" 149 - Maru bible

CAUNG: KHIN" 149

¹ASANG re caung:khin" ge,- ASANG re nghaui" caung: asag' yang caung:khin" byid; ge,- Yao" nho: dao:so: zaung mo; phaung gaung: mae yao: re caung: nghaui" ge,.

²Israel we"- ni" nho: phan" ASANG: mathao mae ngaui bau" na wa,- Ziun mae" byu qe we"- naonhaung" kho:kham nho: mathao mae ngaui bau: ngaui lho" za: na ge,.

³Go" mung: yao" mang a re caung:khin" na ge,- zang we' tang: be, mung: yao: re caung:khin" ge,.

⁴Asang wa yao" byumyu" qere qu" ngaui: na: ra". Yao: wa nhag' lam: khyo" na mo, re aung doe; ru byid: yang: nga: yhe' byid' ra".

⁵Mao"So: byumyu" qe wa yao: bam aung doe; ruyang ngaui bau: ngaui lho" boe" na geshao:-

⁶Mao"So amyin" byid' to" ru we' dakhyo:- byumyu" mung"dan: qere aung nae" qhid'mae"-

⁷byumyu" cao jab alhab' re qobo dae byid: nae" qhid' mae"- yao: bam: kho:kham qere myag: she: yu nae" qhid' mae"-

⁸yao: bam: au: jhaung qere jao co" yang taui" she: lo" genae" qhid' mae"- byumyu" alhab' re qobo dae byid: nae" qhid' mae"

⁹yao: bam wa- tho' ra" shae pyang: lo,mae ci mung:- gang" qhi" zag: hug' yang: Mao"So re caung:khin" byid: geshao:- ceru wa- Mao"So: byumyu" qenho: aung doe; ru ngad: ra". ASANG re- caung:khin " byid: ge,.