Read Maru CAUNG: KHIN" 23 Bible Online

CAUNG: KHIN" 23 - Maru bible

CAUNG: KHIN" 23

¹ASANG wa yao zaung" yaug we' dakhyo: ngore lhaug' zaung" yaug ngad: ra". Ngo mae qo ca" ra" ja: khao: ngo" re ngo qo" ra".

²Yao: wa nyug: ra" mhin: gyo, jao: mae ngore no" na nhao mung: qid gyang" yaung" myan yo: ra" qid tham: khyo ngore jhui" ye" ra".

³Yao: wa ngore qam: sag' byid' ra"- yao: dao so: byid' to" ru we' dakhyo- jo: ra" khyo khyo" ngore jhui" lo" ra".

⁴No; Cad' thao"ra" jo, qo re ngo su" lai: lo" sho'ngadqere: nao wa ngo we' daga" ngad yang: ngo pe" magyaug nae"- ni" nho: lhae daung: we' yao zaung" zaung: bao" wa ngore gug: gam byid' ra".

⁵Nga" gyevo qe alhab' ngore qo" myao: ra" jo, qo tau nga" qhid' kheim: mae zo: shaug' jaung: re nao nyhang" to: byid' ra". Nao wa ngore nga: qo" ra" bang" vo we' dakhyo: pang" tug: yu mung: nga" keim mae byang" sheim sho' ke' pyang" byid' ra".

⁶Nga" dapyad: geim" mae ni" gai: ra" khyo we' jhid'de; myid qo" yu mung: ni" yham mae nga" pyad geim" qo" na nae" rure ngo ba: to: va".