Read Maru CAUNG: KHIN" 29 Bible Online

CAUNG: KHIN" 29 - Maru bible

CAUNG: KHIN" 29

¹Mug:gaung mae" mo, we"- ASANG re caung:khin" ge,- Yao" phungbao we' qam: so' re caung:khin" ge,.

²ASANG: mang a re caung:khin" ge,- Gyang" Lho" Yaug thug' li" ra" au:- yao" qhid' kheim: mae goe; pa" ge,.

³ASANG: thoe re panglai: jham mae the' gyo" ra"- phungbao bo: ra"- Mao"So wa mug: gyug: khyo" jhau mung: yao" thoe wa nammugdara dao mae lao thao tau" na: ra".

⁴ASANG: thoe re qam: so' phung dagu" byang" sho' we' the' gyo" ra".

⁵ASANG: thoe wa shaug' gae jham- Lebanon mae" shaug' gae jham re lhao" khyug' pye' ra".

⁶Yao: wa Lebanon mae" bam jham re nung: nau" jham re"ru: thug' jhu: nhao mung:- Hermon Bam re nung: lo: nau" ru: thug' byae nhao: ra".

⁷ASANG: thoe wa lhe' cad' cad' nhao: ra".

⁸Yao" thoe wa ma coe yo re lab nhao: ra"- yao: wa Kade ma coe yo re lao" lhab' ke' ra".

⁹ASANG: thoe wa sho:khai: gae re lab nhao mung: sag' gae jham mae" sag' vho' jham shu: gyo" au: re- Yao" Caung:pa" Yham mae" mo, yaug khao: ngo" wa- Phung Bao Bo: Jo, Vashao: Wo"- ga: ta" ako".

¹⁰ASANG wa tham: no, re eib: na: ra". Yao: wa apyad ato mae kho:kham khyo" eib: na: ra".

¹¹ASANG wa yao" byumyu" re qam: o: byid: mung: yao: bam re ngaui pyo: yaug yo: ru shaman" byid' ra".