Read Maru CAUNG: KHIN" 3 Bible Online

CAUNG: KHIN" 3 - Maru bible

CAUNG: KHIN" 3

¹ASANG we"- ngo wa gyevo myo: sho' qo" ra". Ngo re gye kad' mo, gyai myo" ako".

²Yao: bam wa nga" khyo re ta" mung:- Mao"So wa yao: re bao" thaug' byid: nae" mangad:- ga: mho: na: ako".

³Ngadqere: O" ASANG we"- nao wa gyaug ci" ja: qhug' rumae khonhae" re: nga" nho: go ngad: ra". Nao wa ngore aung doe, nhao: rumung: nga" vae" ra" myid re qam: dam: pyang" byid' ra".

⁴Ngo wa bao" yu nae" qhid' mae" ASANG re hug' yao: ke' ra". Aimung: yao: wa yao" gyang" lho" bug gaung mae" ngore tau: byid' ra".

⁵Ngo wa lang" jo, mung: yab: myhid' jo;- aimung: ASANG wa ngore damyi: geim" gug: gam byid' ra".

⁶Ngo wa shad' khao: ngo" khyo" ngore lhang" kham" to" ra" gyevo dataung re magyaug.

⁷ASANG we"- Li" lo wa,- nga" Mao"So we"- ngore khyad' yu la,- nao wa nga" gyevo alhab' re qobo dae byid: mung: ngore dae maqo" te' geshao: ga: yao: bam re qam: nang: nhao: ra".

⁸Aung doe; ru wa ASANG mae" joe" li" ra". Yao: wa yao" byumyu" re shaman" byid: vashao: wo".