Read Maru CAUNG: KHIN" 4 Bible Online

CAUNG: KHIN" 4 - Maru bible

CAUNG: KHIN" 4

¹O" Mao"So- nga" gug: gam gyevha byid: yaug we"- ngo akyu" mho' na: au: re tau: byid: la,- ngo qug: khai: qhug' na: au: re nao ngore bao" lai: lo: ava". Ana" ngore nhag' khyag' yu mung:- nga" akyu" mho' dao: re gyo: byid: la,.

²Byu naonhaung" wa khomyhao" myao" sho' ngore ceim" roe" na genae" i? Naonhaung" wa aphug' made; rure khomyhao" myao" sho' jhid'de; na mung: mangad' ra" thao khyo cao" ye: genae" i?

³ASANG wa din:man: mo, re yao" yang sang: ra" byu boe" nae" qhid' mae" khyin: yu: rure beim: ge,. Yao: re ngo hug' yao: au: yao" yang ngore gyo: byid' rure beim: so: ge,.

⁴Gyaug: nin" ru we' yug: no qobo kad' rure thang: pye' ge,. Naonhaung" nho: yabqo mae sae za: lang" jo, mung: ce:khyo we' sin: yang: no, no, myid: ca: qu" na ge,

⁵ASANG re jo: ra" xeim: ngaui" byid: ge,- aimung: yao: re lam khug: na ge,- 1

⁶O" ASANG we"- ngonhaung" re shaman" jeju je: myo: sho' shaman" byid: la,. Ngonhaung" re nhag' khyag' ru we' qu" lhaug' na byid: la,- ga: akyu" mho' mo, gyai myo" ako".

⁷Ngadqere: nao: yang ngore byid' ra" ngaui bau: ngaui lho" wa yao: bam qo" ra" gaug zo we' sabyi qang: jham alhab' tho' mae je: ra".

⁸Ngo lang" lo" mung: yaug yo taung" yab: myhid' jo; ra" au: O" ASANG we"- nao za: ngore jab byang" sho' gug: gam byid' ra".