Read Maru CAUNG: KHIN" 43 Bible Online

CAUNG: KHIN" 43 - Maru bible

CAUNG: KHIN" 43

¹O" Mao"So we"- ngore qobo maqo" ein: hau: byid: la,- aimung: Mao"So o: khyo: mana mo, phaung mae nga" bo: de, mung: ngo re ta" khyad' yu la,- Mhug' ta" ra" makhyang: mo; lo, mae" ngore khyad' yu byid: la,.

²Nao wa ngore gyevha mung: qhaung: yu yaug ngad: ra". Nao pe"mung: ngore shapye' to" i? Ngo pe"mung: nga" gyevo qe:yang dayin dayo: ce: yhin" ru phau: zo" na ca" i?

³Ni" bo" bao we' ni" din:man" ru ngojhao" nhao: ke' byid: la,- aijham wa ngore khyo jhui: vageshao: Ni" gyang" lho" ra" Ziun bug gaung nao na: ra" ni" Caung:pa" Yham khyo ngore dam: jhui" tug' lo vageshao:.

⁴Ailao" O" Mao"So we"- ngo wa ni" phan khyo ye: nae". Nao wa nga" nho: ngaui bau: nae" ajhaung ngad: ra". Nga" tang: re be, yang: nao re ngo nghaui"caung: nae". O" Mao"So- nga" Mao"So we"-

⁵Ngo pe"mung: ceqhi" kaug' na: ca" laug i? Pe"mung: yang: ngo ceqhi" myid myo" na: ca" laug i? Ngo wa Mao"So mae myid: lao" na nae". Aimung: nga" khyad' yu: ASANG nga" Mao"So re dalhang dam: caung:khin" byid: nae".