Read Maru CAUNG: KHIN" 46 Bible Online

CAUNG: KHIN" 46 - Maru bible

CAUNG: KHIN" 46

¹Mao"So wa nga" khug ngha jo, qo we'- nga" qam: ngad: ra". Qug: khai: qhug' ra" ayo, mae- khonhae" re: bao" yu nae" jin" jin" ngad: ra".

²Aimung: myid gaung lab ngadqere: bam jham nammugdara tham: kao" khyo gyo" lo" qere: ngonhaung" magyaug nae".

³Pang:lai:: jham bang: lhung" to" yang: myang ngadqere: myid lab: lab: mung: bug gaung jham laui" nan" ngadqere: ngonhaung" magyaug nae".

⁴Mao"So: vogaung: mo" re myhao: thao" ra" yaug: gyang" lho" yham re ngaui bau: nhao: ra" qid gyaung: dagyaung: yug: jo; ra".

⁵Mao"So wa ai: vogaung: mo" mae na mung: ai wa khonhae" re: phyo' qheim" pye' ru maqhug' nae". Mug: bo" myi: re yao: li" mung: aire bao" yu nae".

⁶Byumyu" mung"dan: jham gyaug: din mung: kho:kham mung"dan: jham lab: nin" byaug: avako". Mao"So: yang mug: gyug: gyug' ke' re myid gaung wa aqang: yug: byaug va".

⁷Qam: so' qi" ra" ASANG wa ngonhaung" we' daga" na: ra" Yaku' nho: Mao"So wa ngonhaung" nho: khug ngha jo, qo ngad: ra".

⁸ASANG kad' ra" lo, mau" re li" qu" qu" ge, Myid gaung: dao mae yao: khoru" mug' pho: mau" jham kad' to: va" rure li" qu" ge,.

⁹Yao: wa mug: myid geim" mae mang: byo; ru jham re mang: dae nhao: ra". Yao: wa lo, la: jham re- khyug' pye' byid: mung: lhae tad' jham re adau atam" kad' pye' ra". Amung: go jham re wa- myi: ngha" pye' ra".

¹⁰Yao: wa- gye jho" khe' ru thang ge, amung: ngo Mao"So ngad: rure ba: to: ge, Byumyu" jham: nho: dao mae qi" qhang: thao" mung: mug: myid dao mae qi" qhang: thao" yaug ngad:rure ba ge,- ga: ta" ra".

¹¹Qam: so' bo: thao" ra" ASANG wa ngonhaung" we' daga" na: ra". Yaku nho: Mao"So wa ngonhaung" nho: khug ngha jo, qo- ngad: ra".