Read Maru CAUNG: KHIN" 48 Bible Online

CAUNG: KHIN" 48 - Maru bible

CAUNG: KHIN" 48

¹ASANG wa qi" qhang yaug ngad mung: ngonhaung" Mao"So: vomo" khug mae jo; ra" yao" gyang" lho" ra" bug gaung dao mae qi: sho' caung:khin" byid: nae" gai: ra".

²Mao"So: bug gaung Ziun wa myhao: ru we' yaung" ra" kho:kham mo" nho: vogaung: mo" wa mug: myid re ngaui bau: ngaui lho" ru byid' ra".

³Ai: vogaung: mo" nho: gye vho' zaung khug mae yao: we' na: re gug: gam: ru qo" ra" ga" rure Mao"So qhu" byid' ava".

⁴Kho:kham qe daga" zang" ham mung: Ziun re gye li" ceim" khe' ako".

⁵Ngadqere: yao: bam aire myao gelao" mug' hao" byaug: ako". Yao: bam gyaug mung: tao" phao: lo" ako".

⁶Aimae yao: bam wa zo:khau nae" seim" ra" myiqe: we' dakhyo:.

⁷Thin: ra" la qam" mae hug' lhaui" qin" ra" sang pho we' dakhyo: gyaug: ru we' khyag' qhui: ru wa yao: bam re aung: pye' ra".

⁸Mao"So kad' ra" mau" re ngonhaung" gyo" qu" bam va". Ana" kam" wa aire qam: bo: thao" ra" ASANG ngonhaung" nho: Mao"So: vogaung: mo" mae ngonhaung" the' myao: bam va". Yao: wa ai: vogaung: mo" re apyad ato mae gug: gam byid' li" nae".

⁹O" Mao"So we"- ni" Caung:pa" Yham khug mae- ngonhaung" wa ni" mabaui mabyo; ra" jhid'de; myid re ceim" myid: beim" bam va".

¹⁰Khyi" khao: ngo" mae" byu qe wa nao re caung:khin" byid' ako". Aimung: ni" mang qi" ra" lahau: wa myid gaung byang" sho' je" lo" ava". Nao wa tarha" din: nyang: ru we' eib: na: ra".

¹¹Ziun mae" byu qe ngaui bau" na vageshao:- nao wa dangman" ra" khyo" dao: kho' byid' ra". Yuda vogaung: mo" jham mae ngaui bau: ngaui lho" ru ajo; jo, vashao:.

¹²Mao"So: byu qe we"- Ziun re su" gam: mung: gyebyu zaung jham re nghe' qu" ge,.

¹³Ce:thao: qae: mae" myid:zo: qere qo" ta" kyo: nae" vomo" vang jham re nyang" za: qu" xam: mung: vang jham re nghe' to: ge,.

¹⁴Ce: Mao"So wa apyad ato mae ngonhaung" nho: Mao"So ngad:- joe" lo nae" Ce: thao: qae: alhab' geim" mae yao: wa ngonhaung" re khyo jhui" shid' na nae"- ein: qo" ta" kyo" bam nae".