Read Maru CAUNG: KHIN" 52 Bible Online

CAUNG: KHIN" 52 - Maru bible

CAUNG: KHIN" 52

¹Azhao" myhao: ra" byu we"- nao wa pe"mung: ni" nho: makhyang" rure- phug: ta" na: i? Mao"So: dao: jhaug' zaug: ru wa apyad ato ngad: ra".

²Nao wa su gaje qe byo; qeim nae" khyo- ni" sho wa tho' ra" shae tho: ru: ngad: ra". Nao wa khonhae' re: mhug' ta" nae" ru za: myid: thug' na: ra".

³Nao wa agai re tho' mae makhyang: mashab: rure je: jhid'de; mung: din:man" rure tho' mae shad' rure je: jhid'de; ra".

⁴Mhug' hab' nao we"- nao wa su gaje re ni" dao: thoe: yang no nhao nae" taung" so' vao: ra".

⁵Aimung: Mao"So wa- nao re apyad ato mae phyo' pye' li" nae"- ni" yham mae" she: khyad' thug' lo" nae"- yao: wa nao re daui: na mo; nho: mug: mae" yu: pye' li" nae".

⁶Din:man" ra" byu qe wa- cere myao mung: qu" gyaug: li" genae". Aimung: yao: bam wa nao re qi: pye' mung:-

⁷Qu" ge,- gug: gam nae" qhid mae" Mao"So re mangha lo:- yao: yao" jo,nho" myo: sho' mae myid: lam mung: makhyang: mashab: ra" mau" mae gug: gam re qho: ra" yaug cemae ngad: ra"- ga: ta" li" genae".

⁸Ngadqere: ngo kam" wa- ASANG: yham mae yaug: jo; ra" zhanlun gae we' dakhyo: ngad:. Ngo wa yao" mabaui mabyo; ra" jhid'de; myid mae apyad ato khug ngha: na:.

⁹Mao"So we"- nao kad' va" ra" mau" mathao mae ngo nao re khonhae" re: jeju beim: so: nae". Ni" byu qenho: qhid' kheim: mae nao wa gai yaug ngad: rure ta" hau" kyo: nae".