Read Maru CAUNG: KHIN" 53 Bible Online

CAUNG: KHIN" 53 - Maru bible

CAUNG: KHIN" 53

¹Ko:pyad' qe wa- Mao"So mana- ga: yao: bam yao" gaung re ta" na: ako". Yao: bam wa ave, made; ra" byugo qe ngad mung:- gyai makhyang" ra" mau" kad' ako". Din:man" ra" mau" kad' ru khag' mana.

²Mao"So wa xao su byu qere mug:gaung mae" qu" khyo" ke' ra". Pha,jhi" bo yaug khag' na: laug,- yao: re caung:pa" ru khag' na: laug- ga: qu" ke' ra".

³Ngadqere: yao: bam alhab' mo, wa phaug' lo" vako" ra". Yao: bam alhab' mo, wa dakhyo: za: magai mo, ngad: ako". Yao: bam mae" dayaug re: din:man" ru makad' ngad: ako"- dayaug za: lhao" re: mabo.

⁴Mao"So wa- yao: bam maba ko" ru laug? ce: makhyang" mau" kad' mo, alhab' maba mabeim: ko" ru laug?- Yao: bam wa nga" byumyu" qe mae" lhad' zo: mung: vae: dug: khau: ako". Ngo re khonhae" re: macaung:pa" ngad: ako" ga:- myid' na: ra".

⁵Ngadqere: Mao"So wa yao" byumyu" nho: gyevo qenho: shoqug: jham re shapye' sin" ke' mung:- yao: bam khonhae" re: maqhug' qu" ra" khyo" gyaug: din: ru qhug' li" genae". Yao: bam re Mao"So shapye' pye' mung: Israel qe wa yao: bam re dalhang: dae aung: pye' li" genae".

⁶Ziun mae" Israel qe: aung doe, khyo thug' li" qa: we"- ein: ngo akyu" lhaung" taung" mho'- ASANG wa yao" byumyu" qere dalhang dam: na: gai nhao: ra" au: re byu qe khonho" nga: qo" mung: ngaui bau: genae" laug i?