Read Maru CAUNG: KHIN" 54 Bible Online

CAUNG: KHIN" 54 - Maru bible

CAUNG: KHIN" 54

¹Mao"So we"- ni" qam: so' yang ngore khyad' yu la, ni" qam: so' yang ngore lhoe' ke' la,.

²Mao"So we"- ngo akyu" mho' ra" thoe re gyo: byid: la,- nga" dao: jham re tae" gyo: byid: la,.

³Ngad beim: mo, wa ngore khe' zin: nae" ga: li" na: ako". Mao"So re pe" majho: ra" aqan alan mung mo, wa ngore se' nae" ga: seim" na: ako".

⁴Ngadqere: Mao"So wa nga" nho: bao" thaug' yaug ngad:- ASANG wa ngore gye vha byid: yaug ngad:.

⁵Mao"So wa nga" gyevo qere yao: bam yao" makhyang" rure ci mung: qobo dae byid: vashao:- yao: wa kyid yaug ngad yang:- yao: bam re phyo' pye' li" nae".

⁶ASANG we"- ngo nao re ngaui bau: taung" xeim: ngaui" byid: nae"- nao wa gai yaug ngad yang:- ngo nao re jeju beim: so" na nae".

⁷Nga" qug: khai: alhab' mae" nao ngore khyad' yu: ava". Amung: nga" gyevo qe seim" gyoe; lo" rure ngo the' myao va".