Read Maru CAUNG: KHIN" 57 Bible Online

CAUNG: KHIN" 57 - Maru bible

CAUNG: KHIN" 57

¹O" Mao"So we"- ngore nhag' khyag' yu la,- nao jhao" mae gug: gam qo" yu nae" qhid' mae" ngo li" lo va" rumung: ngore nhag' khyag' yu la,. La qam" la dan: lai: lo" sho' ni" daung qab khug mae gug: gam: ru ngo qhug' myao: yu va".

²Myhao: thao" ra" Mao"So re ngo khai: yao: ra"- ngo mae ca" ru ja: khao: ngo" nyhang" byid' ra" Mao"So re ngo khai: ra".

³Yao: wa ngore mug:gaung dao mae" tau: byid: mung: khyad' yu: li" nae"- ngore deim" zag zo: mo, re yao" yang aung: pye' nae". Mao"So wa ngore yao" mabaui mabyo; ra" jhid'de; myid we' jhaug' zaug: ru qhu" byid' li" nae".

⁴Byu: sho: zo" ra" khangkhyi jham ru" ra" gyevo qeyang ngore lhang" kham" to" ako". Yao: bam: zaui jham wa lhae tad' we' myo: khe' jham ru"ru ngad: ako". Yao: bam: sho jham wa tho' ra" shae pyang: jham ru" ru ngad: ako".

⁵O" Mao"So we"- ni" qi" qhang: ra" khyo re mug:gaung mae qhu" byid: wa,- ni" phungbao rere: myid gaung byang" sho' qhu" byid: wa,

⁶Nga" gyevo qe wa ngore taung: nae" qhid' mae" geim khae: to" ako". Ngo wa nhag' lam: gyug' byaug va". Yao: bam wa nga" khyo mae dungkhung: dau" to" ako". Ngadqere:- ai: khug khyo yao: bam yao: gyo" vao lo" ako".

⁷O" Mao"So we"- ngo wa jab byang" sho' myid: lam: na:- ngo wa nao re nghaui"caung: mung: caung:khin" nae".

⁸O" nga" alo zo: we"- beim" to" li" wa,- nga" be, tang: we' she tang: jham we"- beim" to" lo ge, ngo wa ba re nhug' to" ke' nae".

⁹O" ASANG we"- ngo wa byumyu" qenho: phaung gaung: mae nao re jeju beim: so: nae". Byumyu" qenho: phaung gaung: mae ngo nao re caung:khin" nae".

¹⁰Ni" mabaui mabyo; ra" jhid'de; myid wa- mug: khaung khyo joe" do, lo" ra". Ni" jhaug' zaug: ru wa mug:gaung re the' tin" zao" ra".

¹¹O" Mao"So we"- ni" qi" qhang: ra" khyo re mug:gaung mae qhu" byid: wa,. ni" phungbao re myidgaung byang" sho' mae qhu" byid: wa,.