Read Maru CAUNG: KHIN" 58 Bible Online

CAUNG: KHIN" 58 - Maru bible

CAUNG: KHIN" 58

¹Mung" eib zug: naonhaung" wa- tarha" dangman" ra" khyo" dao: lhaung" phyid' ko" i? Byu alhab' re tarha" nyang: dae: ra" khyo" dao: lhaung" phyid' byid: ko" i?

²Mangad:- naonhaung" wa makhyang: mashab: ru za: qo" kad' nae" myid: na: ako". amung:- ai: mug: mae se' da: be, khyad' we' aqan alan mau" kad' thug' na: ako".

³Makhyang: mashab mo, alhab' wa yao: bam: pyad geim" shad' nghung" ru za: cao" ako". Yao: bam wa khau: ra" ba mae" mhug' dao: jham za: ta" ako".

⁴Yao: bam wa lhao maui jham we' dakhyo:- daug byang" bo: ako". Yao: bam wa lhao maui sara ta" ra" dao: thoe re mathe' gyo:- Mandan sara jhau: rure magyo: mung: ra" khin" mo" lang ne: no:jid we' dakhyo:- yao: bam: no:khye' re jhid' ci: ako".

⁶O" Mao"So we"- ce:ra" gyaug pho: khangkhyi qe: zaui jham re khyug' pye' byid: wa,.

⁷Yao: bam wa qid yug: gyo" lo" ru we' dakhyo: byaug: lo" vageshao:- Khyo dao mae" myo, we' dakhyo: gyoe; man" byaug vageshao:.

⁸Yao: bam wa- laug man shaqhui: mae yug: byaug: ra" nhobe, jham ru: mung: lo" vageshao:- yao: bam wa ashid khau: thug' li" mung:- bo" bao re mamyao: qu" ra" zonau" we' dakhyo: ngad vageshao:-

⁹Yao: bam mabeim: shi: qere: yao: bam re mhin: jham re" ru: zin" pye' ru qhug' ko" ra". Yao: bam daui: na shi" au: re- Mao"So wa yao" nhag' jam: yo" ruyang yao: bam re mad: sin" pye' byid: nae".

¹⁰Qobo byu qere qobo dae byid' rure the' myao lao" din:man: mo, qu" ngaui: li" genae". Yao: bam wa- nhag' lam: kaui: ra" makhyang: mo; sa: tham: mae nag: lai: lo" genae".

¹¹Din:man: mo, wa gaigai: yao: jhaung qhu" qo" yu: ako". Mug: myid re dao: kho' ra" Mao"So dayaug yao: ana nhaung ga: byu jham ta" li" genae".