Read Maru CAUNG: KHIN" 61 Bible Online

CAUNG: KHIN" 61 - Maru bible

CAUNG: KHIN" 61

¹Mao"So we"- ngo mho' yao: rure gyo: byid: la, Nga" akyu" mho' thoe re tae" gyo: wa,

²nhag' lam: thao" mung: yham we' va: yang:- ngo nao re khai: ke' ra". Ngo re gug' ra" khyo jhui" lo" la,.

³Pe"mung:ga"re nao wa nga" gug: gam byid: yaug ngad mung:- nga" gyevo qere khe' pye' nae" qhid' mae" gang" tang: ra" khug ngha jo, qo ngad: ra".

⁴Ni" gyang" lho" ra" yham vang" khug mae- ngore dapyad: geim" na nhao la,. Ni" daung khug mae gug: gam za: na nhao la,.

⁵Mao"So we"- nga" dao:so: jham re nao the' gyo" ava". Nao re phug' te' nga: yhe' na: ra" mo; jo,nho" jham nao ngore byid: ava".

⁶Kho:kham re apyad myo: sho' zin laung: byid: wa,- yao: wa kao qhang yang: daui: na vashao:.

⁷Mao"So we"- ni" nho: qhid' kheim: mae yao: wa apyad ato eib: na vashao:- ni" abang mabyid: ra" jhid'de; myid we' kyid: ra" myid: yang yao: re gug: gam byid: wa,.

⁸Airumung: nao re ngo byid' to" ra" dao:so: ba khao: ngo" qhaug' byid' na: au: khonhae" re: nao re Nghaui"caung" na nae".