Read Maru CAUNG: KHIN" 67 Bible Online

CAUNG: KHIN" 67 - Maru bible

CAUNG: KHIN" 67

¹Mao"So we"- ngonhaung" re nhag' khyag' mung: shaman" byid: la,- ngonhaung" re nhag' myan" ru we' qu" na la,.

²Aire she, mug: myid byu qe wa- nao myid: o: rure ba: myao: li" genae"- Aire she, byumyu" cao jab alhab' wa ni" nho: khyad' yu: khyo re ba: yu: li" genae".

³Mao"So we"- nao re byumyu" qe: yang caung: nghaui" geshao:. Nao re byumyu" alhab' yang caung:khin" geshao:.

⁴Nao wa byumyu" qe re din:man" ru we' dao: kho' byid: mung: myid gaung: dao mae byumyu" ja: khao: ngo" re khyo shid' byid' ruyang byumyu" cao jab wa ngaui bau: ngaui lho" ru we' nao re nghaui"caung: vageshao:.

⁵Mao"So we"- byumyu" qe wa nao re caung:khin" geshao:- Byumyu" alhab' wa nao re caung:khin" geshao:-

⁶Myid gaung wa qhovo: qhoshi: re thug' li" nhao: ra". Mao"So- ngonhaung" Mao"So wa ngonhaung" re shaman" byid' ava".

⁷Mao"So wa ngonhaung" re shaman" byid' ava"- Khyi" khao: ngo" mae" byumyu" qe alhab' bam wa yao: re nga: yhe' byid: geshao: wo".