Read Maru CAUNG: KHIN" 8 Bible Online

CAUNG: KHIN" 8 - Maru bible

CAUNG: KHIN" 8

¹O" ASANG we"- ngonhaung" Asang we"- ni" qi" qhang: ra" khyo re mug:myid geim" mae the' myao: bam va". Nao re caung:khin" ru wa mug: khaung khyo joe" do, lo" va".

²Aire zoshao qe we' nug' nau" qe:yang nghaui"caung: ako". nao wa ni" gyevo qe alhab' lo, mae" gug: gam yaug yo qo" na: ra". Nao wa nao re ngag: thaug' ra" yaug khao: ngo" re tam" pye' ra".

³Nao kad' to" ra" mug:gaung re ngo qu" qu" re nao: wa lho" we' ba re yao: yao" jo, qo mae te' to" ra".

⁴Xao su byu qe wa pe" ngad gemung: nao yao: bam re myid: beim" i? Shid ba: ra" mo, wa khag' bam ngad mung: nao yao: bam re gun caung: i?

⁵Ngadqere: nao wa yao: re ni" nho: o mae dajhid' za: nyham: khyo" to: mung: nao: yang yao: re phungbao we' nga: ye; ru zhaung: byid' ava".

⁶Nao wa yao: re nao phan" to" ra" ja: khao: ngo" dao mae eib yaug khyo" san: to" ra". Nao wa yao: re nao phan" phaug' to" ra" ja: alhab' dao mae nha: to" ra".

⁷Yao jham- nung: jham- seyo: gug'nyhug' jham re:-

⁸ngho' jham we' ngo: jham re:- panglai: tham: khug mae" gug'nyhug' jham: dao mae re: yao: re eib: na nhao: ra".

⁹O" ASANG we"- ngonhaung" Asang we"- ni" qi" qhang: rure mug:myid geim" mae the' myao: bam va".