Read Maru CAUNG: KHIN" 82 Bible Online

CAUNG: KHIN" 82 - Maru bible

CAUNG: KHIN" 82

¹Mao"So wa mug:gaung: lab do, qe, mo" mae tao" sang kad' na: ra". So jham: mo, phaung gaung: mae yao" myid: phyid' rure yao: bam re byid' ra".

²Naonhaung" wa madin: man" ra" dao: kho' rumae" thang: pye' ca" ko" ra". Makhyang: mashab mo, shad' khyo jhin: yang: myo, nho dakhyin ge,

³Myaung mo, we' cug' zonau" qe: ra" akhang" re gug: gam byid: ge,- bao" yu byu maqo" mung: qug: khai: qhug' mo, re dangman" ra" khyo" bao" yu byid: ge,

⁴Yao: bam re makhyang: mashab mo; lo, mae" khyad' yu ge,

⁵Naonhaung" wa khonho" maba: myid ko" i? Khonho" nhag' magyang: ko" i? Naonhaung" wa dace' re: magai: yu losho' akyang qeim vako" ra"- mug: myid dao mae" dangman" ru byaug: byaug va".

⁶Naonhaung" wa so jham ngad: ako". Naonhaung" alhab' wa myhao: thao" yaug: yao: zo: qe ngad: ako" ein: ngo ta" va".

⁷Ngadqere: naonhaung" wa byu qere" ru: shid: lo" li" genae". Naonhaung" kao so' wa kho:kham nau" kao so' ru: gan: lo" li" genae".

⁸Mao"So we"- Li" mung: mug: myid re eib wa,- byumyu" alhab' wa ni" byu ngad: ako".