Read Maru CAUNG: KHIN" 94 Bible Online

CAUNG: KHIN" 94 - Maru bible

CAUNG: KHIN" 94

¹ASANG we"- nao wa qobo dae byid' ra" Mao"So ngad: ra" Ni" nhag' yo" rure qhu" byid: wa,

²nao wa byu alhab' mo; nho: tarha" agyi ngad: ra"- To" yang:- ngad beim" ra" mo, re yao: bam we' man: qi" ru byid: wa,

³Nhag' lam: kaui: ra" makhyang: mashab mo, khonhae" joe" sho' bau" na genae" laug?

⁴Yug: mau" kad' mo, khomyhao" myao" sho' xo' yang: ngad beim" na mung: yao: bam: yug: mau" zo" re qo" phug: na shi:genae" laug?

⁵ASANG we"- yao: bam wa ni" byumyu" re deim" khyoe' pye' ako". Nao: yang sang: to" ra" mo, re yao: bam deim" zag zo" ako".

⁶Yao: bam wa cug' mo" myhi" qe we' cug' zonau" qere se' pye' mung: ngonhaung" mug: mae na: ra" byu bang" qere se' ako".

⁷Yao: bam wa- ngonhaung" re ASANG mathe' myao- Israel nho: Mao"So wa ngonhaung" re mamyao byid: ga: ta" ako".

⁸Nga" byumyu" qe we"- naonhaung" wa khoru: mung: yang: ai qhi" nhag' magyang: go mo, ngad ko" i? Naonhaung" khonhae" she, ba: mho" zhao: yu genae" i?

⁹Mao"So wa ngonhaung" re no:khye' te' byid: ra". Yao: mathe' gyo: nae" i? Yao: wa ngonhaung" nho: myo,jid' re kad' to" ra". Yao: mathe' myao: li" nae"i?

¹⁰Yao: wa byumyu" qere qeim: ra"- yao: bam re qobo dae mabyid' li" nae" i? Yao: wa byu alhab' nho: mho" pho" ngad: ra". Yao: mae laba lajhao maqo" nae" i?

¹¹Yao: bam myid: rure ASANG ba byid' ra". Yao: bam myid: phaug' lhag' qu" ru khoqhi" akhyo: majo: rure yao: ba byid' ra".

¹²ASANG we"- nao: yang mho" shid' byid' ru qo" kham: yu: ra" byu wa khonho" ngaui lho" ra" i? Nao: yang ni" tarha" mho" shid' byid: ru qhug' yaug wa ngaui lho" ra".

¹³Qug: khai: qhug' ra" ba re makhyang: mashab: ra" nhag' lam: kaui mo, re myhi" nae" qhid' mae" dung:khung: qo" dau: sho' nao: yang yao: re dug no" ru qo" yu nhao: ra".

¹⁴ASANG wa yao" byumyu" re mashapye' to: nae"- yao: wa yao" yang sang: ra" byu qere mashalhaui" to: co' nae".

¹⁵Tarha" yung" jham mae tarha" din:man" ru dam: the' myao mung:- dangman" ra" byu alhab' wa aire ceim" bao" thaug' genae".

¹⁶Nhag' lam: kaui: ra" makhyang: mashab mo, re khe' zin: nae" ngore khag' bao" thaug' nae" i? Makhyang: mashab: mau" kad' mo, re tau: lhan: mung: khe' pye' nae" qhid' mae" ngo shad' khyo khag' bo:bo: ra" i?

¹⁷ASANG: yang qe mabao" yu lo:ngad: re ngo wa cae: jhug tag: ra" mug: khyo phyad phyad gyo" vao lo" byaug zai va".

¹⁸Ngo wa- gyang: gyo" lo" na: kyiva"- ein: ta" va". Ngadqere: O" ASANG we"- mabaui mabyo; ra" ni" jhid'de; myid wa ngore bao" thaug' yu va".

¹⁹Ngo myid myo: mung: sang: kho: sang: lhe' mung: ra" au: nao wa ngore nhag' tang" byid: mung:-ngaui bau: nhao: lo va".

²⁰Matarha" rure tarha" khyo" kad' mung: akyang qeim: ra" tarha" agyi jham we' nao pe" majho" sin: ngad: ra".

²¹Yao: bam wa byu gai re pyi qho mung: qobo maqo" mo, re shid nae" qobo byid' ra" tarha" khyo" byid' ako".

²²Ngadqere: ASANG wa ngore gyevha byid' ra". Nga" Mao"So wa ngore gug: gam byid' ra".

²³Yao: wa yao: bam re yao: bam yao" makhyang: mashab: ra" nhag' lam: kaui mau" re qobo dae byid: nae". Aimung: yao: bam: qobo: ra" mathao mae yao: bam re phyo' qheim" pye' byid: nae". Ngonhaung" nho: Mao"So ASANG wa yao: bam re phyo' qheim" pye' byid: nae".