Read Maru CAUNG: KHIN" 95 Bible Online

CAUNG: KHIN" 95 - Maru bible

CAUNG: KHIN" 95

¹Li" ge, ASANG re caung:khin" byid: gelang:- ngonhaung" re gug: gam byid' ra" ASANG re ngaui bau: ngaui lho" nghaui"caung: gelang:.

²Yao" qhid' kheim: khyo jeju beim: so" ru we' vao ye: gelang:- aimung: ngaui bau: ngaui lho" nghaui" caung: byid: gelang:.

³Pe"mung:ga"re ASANG wa qam: bo: thao" ra" Mao"So ngad: ra". So alhab' tho' mae qam: bo: thao" ra" kho: kham ngad: ra".

⁴Yao: wa myid gaung alhab' geim" no; thao" ra" laug aug' khug mae" myhao: thao" ra" bug gaung joe" sho' eib: na: ra".

⁵Yao: wa yao: kad' to" ra" panglai: dao mae we' yao" yang akhyao kad' to" ra" mug: myid rere: eib: na: ra".

⁶Li" geri:- yao: re goe; pa" mung: no' gelang:- ngonhaung" re phan" to: yaug ASANG: qhid' kheim: mae pad' thaug' thaug' bam gelang:-

⁷Yao: wa ngonhaung" nho: Mao"So ngad: ra". Ngonhaung" wa yao" yang gun caung: na: ra" byu qe ngad:- Yao: nyhang" caung byid' na: ra" yao kyaung" mae" yao jham ngad:. ana" ba yao: ta" ra" dao: re tae" gyo: ge,

⁸Naonhaung" nho: phug' phyid' qe Meriba mae dang la" ruru: dang dala: ge, Masa jo, qo mae" din"pyad' yo mae yao: bam kad' ra" khyo" dakad' ge,

⁹Yao: bam wa ngo kad' lai: lo: rure myao: to" au: mae" ai: jo, qo khyi" joe" re ngore jham" qu" ako".

¹⁰Ngo wa zin lam: byid xe lam: lam: ce: byumyu" re nhag' qu" no: lo va". Ngo wa ce: byumyu" wa dajhid' re: jhaug' mazaug mo, ngad genhaung- yao: bam wa nga" amyin" dao: jham re macao" qad ko"- ein: ta" va".

¹¹Ngo nhag' yo: mung: ceru: mabaui mabyo; ra" dao:so: to: byid: va". Naonhaung" wa naonhaung" re dug no" na nhao nae" ein: to" ra" ai: mug: khyo khonhae" re: maqo" vao ye: genae".