Read Maru CAUNG: KHIN" 98 Bible Online

CAUNG: KHIN" 98 - Maru bible

CAUNG: KHIN" 98

¹ASANG re nghaui" caung: asag' yang caung: byid: ge,- yao: wa mug: pho: mau" zo" jham re kad' va". Yao" kheim: so' we' gyang" lho" ra" qam" yang aung doe; ru qo" yu va".

²ASANG wa yao" aung doe; rure hau" kyo: va". Yao: wa byumyu" alhab' re yao" khyad' yu: ra" kheim: so' re ba: yu nhao va".

³Yao: wa yao" byumyu" Israel re yao" jhaug' zaug: ru we' gang" tang: ra" jhid'de; myid mae dao:so: to" to: byid' ra". Khyi" khao: ngo" mae" byumyu" alhab' wa ngonhaung" nho: Mao"So aung doe; rure the' myao: avako".

⁴Myid gaung alhab' we"- ASANG re ngaui bau: Nghaui"caung: ge,- nghaui" caung: jham we' ngaui bau: taung" hug' ra" thoe: yang yao: re caung:khin" byid: ge,.

⁵ASANG re nghaui"caung: byid: ge,. Tang: she yang: ngaui" thoe myhang" kyo: ge,

⁶Labo" jham we' khyug the' dui re mad: ke' ge,. Aimung: ngonhaung" nho: Mao"So ASANG re ngaui bau: ngaui lho" hug' ge,

⁷Pang:lai:: we' daga" nao mae bo: ra" gug'nyhug' ja: khao: ngo" we"- myang: hug' ke' ge,- myid gaung we' daga" nao mae na mo, alhab' we"- nghaui"caung: ge,.

⁸Qid gyaung: alhab' we" Lo, pyo' pyo' ge, bug gaung jham we"- ASANG: qhid' kheim: mae ngaui bau: ngaui lho" daga" nghaui"caung: ge,.

⁹Pe"mung:ga"re yao: wa myid gaung re eib zo: nae" ga: gyo" li" ra". Yao: wa mug: myid mae" byumyu" qere dangman" ru we' jao dang jo: ra" khyo" eib: li" nae".