Read Maru ESAIA 12 Bible Online

ESAIA 12 - Maru bible

ESAIA 12

¹Byumyu" qe nao re nghaui"caung" ra" ayo, joe" lo li" nae". Ailao" ngo wa- ASANG we"- ngo nao re caung: khin" byid' ra". Nao wa ngore nhag' yo" lo: ra". Ngadqere: ana" nao ngore nhag' tang" byid: mung: nhag' mayo: lo:ngad: ra".

²Mao"So wa nga" khyad' yu: ASANG ngad:- Ngo wa yao: re khug ngha mung: magyaug ASANG wa ngore qam: so' we' qam: bo nhao: ra". Yao: wa nga" khyad' yu: ASANG ngad: ra".

³Qid cae: wa qid shab' yaug re ngaui bau: nhao: ru we' dakhyo: yao" yang yao: bam re khyad' yu: ra" au: Mao"So: byumyu" qe ngaui bau" li" genae"- ein: ta" nae".

⁴Byumyu" qe nao re nghaui"caung" ra" ayo, joe" lo: li" nae". Ailao" ngo wa- ASANG re jeju beim: so: ge,- naonhaung" re bao" thaug' yu nae" yao: re khai ge,- yao: kad' lo: va" khyo byumyu" qere ta" kyo: ge,. Yao: khoqhi" qi" qhang yaug ngad: rure yao: bam re ta" kyo: ge,.

⁵Qi" qhang: ra" mau" jham kad' va" ruyang ASANG re nghaui"caung: ge,. lau dao: re mug: myid geim" re the' gyo: nhao ge,.

⁶Ziun mae na: ra" byu yaug khao: ngo" zag: hug' mung: nghaui"caung: ge,. Israel nho: gyang" lho" ra" Mao"So wa qi" qhang: ra" yaug ngad: ra". Yao: wa yao" byumyu" qe: phaung mae na: jo; ra"- ein: ta" nae".