Read Maru ESAIA 17 Bible Online

ESAIA 17 - Maru bible

ESAIA 17

¹ASANG ta" ru wa- Damasku wa vomo" mangad: byaug lo nae". Aiwa byo; gyoe; bam: jo; li" nae".

²Asuri vogaung: jham wa apyad ato mae cae: jhug tag boe" jo; li" nae". Aijham wa yao we' nung: jham: qhid' mae" mhin: gyo, jao: boe" byaug: li" nae". Aijham re khag' re: makhe' pye' genae".

³Israel wa gug: gam: ru majo, nae"- Damasku wa galin: gago: loe; beim: ru byaug: byaug: li" nae". Na: dang: ra" Suri byu qe wa Israel byu qe we' dakhyo: nga: yeim: li" genae". Ngo qam: bo: thao" ra" ASANG ta" to: va"- ga: ta" ra".

⁴ASANG wa Israel nho: qi" qhang: ru wa thao" byaug mung: yao" jo,nho" re myaung sho" ruyang atha" ke' byid' li" nae".

⁵Israel wa Rephaim lao: khaung: mae jo; ra" yothaung: jham mae" gaug bin: yad yang: gaug: zhang: pye' au: cae: jhug tag boe" jo; ruru: gaug bin: yad: jham" yu: ra" yothaung: we' dau: li" nae".

⁶Byu dajhid' za: na: dang: li" genae"- Israel wa agae au: mae shid' sam ce' mangad: lao" o mae" akaung jham mae dajhid' za: dang losho' zhanlun shi: alhab' re phyo' pye' ra" zhanlun gae we' dau: li" nae". Israel nho: Mao"So ASANG ngo ta" to: va"- ga: ta" ra".

⁷Ai: ba na joe" lo lao"- byu qe wa Israel nho: gyang" lho" Mao"So yao: bam: phan" phaug' yaug shad' khyo bao" thaug' ru qhid' mae" phaug' lo: li" genae".

⁸Yao: bam yao" lo; yang kad' to" ra" phan jham re yao: bam mangha lo: genae". Yao: bam: lo, mau" ngad: ra" so myhi" Ashe nho: alho jham we' sheim nae pyo: ja: phad' ngaui" ra" phan jham re malam makhug lo: genae".

⁹Ai: ba na joe" lo lao"- nyang" za: gug: gam: to" ra" vogaung: jham wa cae: jhug tag boe" lo" byaug mung: Israel byu qemae" yao: bam phao: lo" ko" au: Hivi byu qe we' Amori byu qeyang shapye' to: co' ko" ra" vogaung: jham ru: byo; qeim: jo; li" nae".

¹⁰Israel we"- nao re khyad' yu yaug we' tang: ra" laug baui we' dakhyo: nao re gug: gam byid: yaug Mao"So re nao to" myhid' pye' ava". Ai: atha" taung bug so jham re caung da" byid: nae" qhid' mae" gyang" lho" ra" bin khyae jham re nao qho" ra".

¹¹Nao qho" ra" ne, seim mae yao: aijham yaug: thug' li" mung: abu" bu" li" gesho' ngadqere: yad: yu: ru majo, nae". Qug: khai: qug: khai: we' magai: ya: ra" no za: boe" li" nae".

¹²Qam: so' bo: ra" byumyu" qe wa panglai: qid myang thoe we' dakhyo: myang mung: panglai: bang: lhung" mo" be; myhang" thoe we' dakhyo: qan" na: ako".

¹³Byumyu" qe wa bang: lhung" jham we' dakhyo: jhin" ye" lo" ako". Ngadqere: yao: bam re Mao"So yang qeim: ke' mung: bug gaung khyid mae" bodan jham re hug' tao" ke' ru we' dakhyo:- la sham" mae" khovho we' dakhyo: yao: bam dam: tug' lo" ako".

¹⁴Myi" thao zo" mae yao: bam: yang gyaug din pho: boe" nhao ako". Ngadqere: ne, seim lao" yao: bam baui" byaug: ako". Ngonhaung" mung"dan: re phyo' zo" ra" mo, yaug khao: ngo" nho: au: pa lo,kyo' wa airu: ngad: ra".