Read Maru ESAIA 35 Bible Online

ESAIA 35 - Maru bible

ESAIA 35

¹Din" pyad' yo wa ngaui bau" li" nae". Din" pyad' yo mae bin: bu" bu" li" nae".

²Din" pyad' yo wa nghaui"caung: mung: ngaui bau: yang: hug' li" nae". Aiwa Lebanon bam jham qhi" yaung" li" nae". Khame we' Sheron nho: yothaung: jham qhi" myid xau bo: li" nae". Yaug khao: ngo" wa phung qam: so' re the' myao mung: ASANG: qi" qhang: ru we' qam: so' re the' myao: li" genae".

³Dug myaung" ra" lo, jham we' qam: nang: yang: ko, ko, nin" ra" pad' laug jham re qam: bo nhao: li" nae".

⁴Vae" myid mabo: ra" mo, yaug khao: ngo" re- Qam: bo mung: dagyaug ge,. Mao"So wa nao re khyad' yu nae" joe" li" na mung:- ni" gyevo qere qobo dae byid: nae" joe" li" na: ra" ein: ta" ge,.

⁵Myo, jid qe myo, myao: li" genae". Nojid qe no: gyo" li" genae".

⁶Khyid qeim qe thug' jhu: mung: go" li" genae". Dao: maqo" jhau mo, wa ngaui bau: yang: hug' li" genae". Qid zo: gyaung: jham wa din"pyad' yo khyo" yug: lai: lo" li" genae".

⁷Nga" na: ra" ma coe bam wa qid tham: boe" lo: li" nae". Kyaug' ho: ra" myid gaung wa qid thug' byang" jo; li" nae". Zag ne lhaung" na: ra" jo, qo mae tham: nheim" myo, gae we' qid phaung: gae jham yaug: li" genae".

⁸Ai mae Gyang" Lho" Ra" Khyodang ga: mhang" ra" hau" mo" khyodang jo; li" nae". Ai: khyodang mae qobo jab qe dayaug re: khonhae" masu: nae". Khag' ago re: ai: khyodang re cao" ra" mo, re khyonghung: majhui" nghung: nae".

⁹Aimae khang khyi jham dadau: re: mana nae". Ai: khyo khyo" gug' nyhung' lhe: dadau: re: masu" lai nae". ASANG: yang khyad' yu qhug' va" mo, wa ai: khyodang khyo" yham phao: li" genae".

¹⁰Yao: bam wa Yerusalem khyo ngaui bau" ru we' nghaui"caung: mung: ngaui bau: yang: hug' mung: joe" lo" li" genae". Yao: bam wa apyad ato mae ngaui pyo" li" genae". Nhag' kaug' ru we' kaug' ngug: ru apyad ato mae majo, nae".