Read Maru ESAIA 38 Bible Online

ESAIA 38 - Maru bible

ESAIA 38

¹Ce: ayo, ko mae kho:kham Hezekia wa no: li" mung: alaug laug shid: ra". Amod nho: yauggai zo: lapa Esaia wa yao: re ye kam: mung:- yao: re nao gai nae" mangad: loyang: ja: khao: ngo" re yao: we' yao: boe" sho' nyhang" jaung: to: wa,. Amung: shid nae" seim" to: wa,- ga: ASANG nao re ta" ra"- ga: ta" kyo" ra".

²Hezekia wa yao" myo, khung: khinqae khyo phaug' lo" mung:-

³ASANG we" ngo wa nao re jhaug' zaug- kyid za: caung da" byid: va" rure we' nao ngore kad' nhao nug: ra" mau" re ngo khonhae" re: qam: ke' yang: kad' va" rure myid: beim: byid: la, wo"- ga: akyu" mho' ra". Aimung: yao: wa kyid kyid ga: ngug: ra".

⁴Ailao" ASANG wa Esaia re- Hezekia jhao" dam: tug' lo" mung: yao: re- Ni" phug' pho" Davi nho: Mao"So ASANG ngo wa ni" akyu" mho' dao: re gyo: mung: ni" ngug byid jham re myao va". Nao re ngo daxe: ngo" zin qhang sho' na nhao shinae".

⁶Ngo wa nao re khyad' yu mung: ce: vogaung: Yerusalem re Asuri kho:sin" nho: lo, mae" khyad' yu nae". Ngo wa xo' yang: ai: vogaung: re gug: gam byid: nae" ein: rure yeta" nae" amyin" byid' ra".

²¹Esaia wa kho:kham pho" re yao" byang dao mae pho' ham" shi: apye: te' to: lao" yao: gai: lo" byaug nae"- ga: ta" qu" va" ra".

²²Ailao" kho:kham Hezekia wa ngo Caung:pa" Yham khyo qo" ye: nae" ngad: rure pe" ja" ve, so" yang sagse: qo" qhu" nae" i? ga: myid' qu" va" ra". Esaia wa ce: yao" dao:so: re boe" sho' kad' nae" ein: rure sagse: qhu" byid' ra" ve, so: ASANG nao re byid' li" nae". Kho:kham Ahaza yang kad' to" ra" zam thao dao mae ASANG wa khapao re khuxam daxe kham tug' lo" nhao nae"- ga: ta" ra". Amung: bao qab wa khuxam daxe kham tug' lo" byaug: ra". Hezekia no gai: byaug thao re yao: wa ce: Nghaui"caung: re tung" ra". Aiwa nga" apyad nghau: nghau: mae nga" apyad khonhae" re: maqo" daui: na lo nae" ra" movo: mug: khyo ye" lo" naeva" ein: jho: pye' va". Ce: kao so' daui: ra" mug: myid dao mae ngo khonhae" re: ASANG re mathe' myao lo nae" daui: na: ra" byu qere re: mathe' myao lo nae" ein: ngo jho: pye' va". Nga" kao so' wa qab: yu: pye' ra" zaung we' dakhyo: qo, gin: mae" phyid' pye' ra" pin: we' dakhyo:- phyid' pye' ru qhug' mung: thao" byaug: ra". Nga" k(...)