Read Maru ESAIA 4 Bible Online

ESAIA 4 - Maru bible

ESAIA 4

¹Ai: ayo, joe" lo lao"- myiqe: nhad' yaug wa yauggai dayaug re lo,mae zaui: mung: ngonhaung" nho: zo:ve we' mai bau: re ngonhaung" yao: qho zo: qho ve; nae". Ngadqere: ngonhaung" yham maqo" yang: qho' phau" ru makham zo: nae" qhid' mae" jeju khyo" nao ngonhaung" yham sang pho" ngad: ein: ta" byid: la,- ga: ta" li" genae".

²ASANG wa agae khao: ngo" we' sag' gae khao: ngo" re mung"dan: khug mae yaug: qi" li" mung: yaung" li" nhao nae" ayo, joe" lo: na: ra". Na: dang: jo; ra" Israel byu qe alhab' wa bau: mung: ai: mung"dan: yang qo" nhao: ra" gaug zo maui: lam" yang langa: kad' li" genae".

³Yerusalem mae na: dang mo,- na: dang nae" ASANG: yang khyin: to: va" mo, wa gyang" lho" mo, ga: mhang" li" genae".

⁴ASANG wa yao" qam: so' khyo" yang dao: kho' mung: byumyu" re kyang" san: pye' li" nae". Amung: Yerusalem nho: qobo re we' ai: mae sheim: gyo" va" ra" sa: jham re cid' pye' li" nae".

⁵Ai: thao Ziun bam we' ai tau mae zang" ham: ra" mo; dao mae ASANG wa ni" gaung mae" jham thaui:- myi" mae myikhug' we' bao: ra" myishae re nhao: ke' byid' li" nae". Mao"So: phungbao wa ai: vogaung: geim" mae nghoe' gam byid: mung: gug: gam byid' li" nae".

⁶Yao" phungbao wa na" mae" ba laung re ba sham byid: mung: gug: gam jo, qo kad' byid' li" nae". Mug: qu la qam" mae" gug' ra" jo, qo ngad: li" nae".