Read Maru YEREMIA 45 Bible Online

YEREMIA 45 - Maru bible

YEREMIA 45

¹Yoshia nho: yauggai zo: Yehoiakim Yuda kho:kham kad' ru byid zin ein: zin mae Barug wa ngo ta" rure cao" tung" ra". Ailao" ngo wa yao: re-

²Israel nho: Mao"So ASANG ta" to" rure ta" kyo: va". Barug we"- ngo lo, tau: pye' va" ra" ASANG wa nga" qug: khai: mae nhag' kaug' rure laung: byid' ava". Ngo wa nokyang: kyang: yang: dug myaung" byaug: ava". Ngo wa myaung: ngho: nae" dajhid' re: majo, ga: ta" na: ra".

⁴Ngadqere: ASANG ngo wa ngo yao: kad' to" rure phyo' khyo" pye' mung: ngo qho" yhaug' to" rure ngo phan" pye' va". Ngo wa ceru re myid gaung geim" re kad' nae".

⁵Naoyao" qhid' mae" gakai lai mung: ra" khyo re cao" qho: na: i? Airu: dakad' wa,- ngo wa xao su byu alhab' mo; dao mae qug: khai: kyi" khyag' rure boe" nhao nae". Ngadqere: khai: ye: ye: nang" thao" kao so' we' phao: loe; li" nae". ASANG ngo ta" to: va"- ga: ta" ra". Israel nho: Mao"So ASANG ta" to" rure ta" kyo: va".