Read Maru YEREMIA 47 Bible Online

YEREMIA 47 - Maru bible

YEREMIA 47

¹Gaza re Egutu kho:kham gye mazin: shire Philisti we' sin: yang ASANG ngore dao: jhau: ra".

²Yao: wa- qu" wa, mug: am: shad' mae qid do, li" na mung: qid gyui we' dakhyo: tao" gyo" lo: li" nae". Aijham wa mung"dan: re we' ai: dao mae" ja: khao: ngo" re- vogaung: jham- aimae na: ra" byu qere nhai" pye' li" nae". Byu qe wa bao" yu nae" hug' yao mung: myid gaung dao mae na: ra" mo, yaug khao: ngo" wa alokho: sho' gyi: ngug: li" genae".

³Yao: bam myao: khyid myang thoe- myao: lhin" myang thoe lhin" ce' jham myang thoe re the' gyo" li" genae". Myhi" pho" qe wa yao: zo: qe shad' khyo bao" yu nae" maphaug' lo lo: genae". Yao: bam: lo, jham wa yao: bam: nae dan: mae qeim: lao" jo; li" genae".

⁴Philisti re phyo' qheim" pye' nae" bao" thaug' ru alhab' dang: jo; ra" Ture we' Sidon we' phyid' pye' nae" ayo, joe" ava". ASANG ngo wa Philisti we' Krete gyagao: mae" joe" li" ko" ra" mo, alhab' re se' tam" pye' nae".

⁵Nhag' kaug' mo, wa Gaza byu qejhao" joe" li" mung: Ashkelon byu qe wa sae za: tae" jo; li" genae". Dang: na: ra" Philisti byu qe khomyhao" joe" sho' kaug' ngug: na shinae" i?

⁶ASANG nho: shae pyang" nao we"- zag: hug' wa,- khomyhao" joe" sho' xo' yang: nao zin" na shinae" i? Ni" nho: shae byao khug khyo dam: vao lo" wa,- aimae myaung: ngho" na wa,.

⁷Ngadqere: ngo aire mau" kad' nae" mau" byid' to" au: khoru: myaung: qo" ngho" na nae" i? Ngo wa Ashkelon re we' qid yae cao" yang: na ko" ra" byu qere khe' zin: nae" amyin" byid' to: va".