Read Maru YEREMIA 49 Bible Online

YEREMIA 49 - Maru bible

YEREMIA 49

¹Ceru wa Amon we' sin: yang: ASANG ta" ru ngad: ra". Aiwa Israel byu qe khai: mae ngad: ako" i? Yao: bam: mug: myid re gug: gam nae" dayaug re: mana i? Gad amyu" kaung qenho: mug: myid re Moleg re caung:pa" byid: ko" ra" byumyu" re yao: bam pe"mung: yu: pye' nhao mung: aimae te" na nhao: ako" i?

²Ngadqere: Rabba vomo" mae" byu qere gyekhe' poe hug' thoe the' gyo: nhao nae" ayo, joe" lo: na: ra". Ai: vogaung: wa byo; qeim: jo, mung: yao" vogaung: jham wa myid gaung khyo ngha" khyoe' bam: pye' qhug' nae". Ailao"- Israel wa ai: mug: myid re yao: bam mae" yu: pye' byid' ra" yaug: lo, mae" dam: yu: yu: li" genae".

³Heshbon byu qe we"- gyi: hug' ge,. Ai: vogaung: wa phyo' pye' qhug' ava". Rabba myiqe: qe we"- kaug' ngug ge,- jid: mo" mai bau: ve, yang: kaug' ngug ge,- athaui: ayaug tao: ge,- naonhaung" so Moleg wa yao" khinjaung we' kho:kham nau" qe we' daga" pyaung" jhui" lo" pye' ru qhug' nae".

⁴Jhaug' mazaug: ra" byu qe naonhaung" pe"mung: phug ko" i? Naonhaung" nho: qam: wa maboe" lo:ngad: ra". Naonhaung" nho: qam: so' re pe"mung: lam khug yang: naonhaung" re khag' re: gye mavae" khe' ein: pe"mung: ta" ko" i? Ngo wa nao re shad' khao: ngo" khyo" kyaug' tin" nae". Naonhaung" alhab' mo, tao" phao: lo" li" genae". Yaug khao: ngo" yao" kao so' loe, nae" qhid' mae" tao" phao: li" genae". Naonhaung" gyephung: qere dam: cao" khai: zhang: nae" byu mana nae".

⁶Ngadqere: thao re ngo wa Amon re dam: na: dai nhao nae". ASANG ngo ta" to: va".

⁷Ceru wa Edom we' sin: yang: qam: bo: ra" ASANG ta" ra". Aiwa- Edom byu qe yao: bam: dao: kho' rumae" loe; avako" i? Yao: bam: pha,jhi" byid: mo, wa yao: bam re pe" kad' nae" ru maqo" ta" kyo: loko" ra" i? Yao: bam: pha,jhi" alhab' baui" byaug va" i?

⁸Dedan byu qe we"- lhang yang: tao: ge,- vho' ge,- ngo wa Eso nho: myid:zo: qere phyo' qheim" pye' nae". Pe"mung:ga"re ngo yao: bam re qobo dae byid: nae" ayo, joe" ava".

⁹Byu qe sabyi shi: phyo' gelao"- yao: bam anaui mae dajhid' za: tang" to: co' ako". Myi" re damya, qe li" gelao"- yao: bam o: gu: za: yu cilo" ako".

¹⁰Ngadqere: yao: bam maqo" vho' na genae" qhid' mae" Eso nho: myid:zo: qere ngo bin sho' khyad' shao: pye' mung: yao: bam vho' na: ra" jo, qo re phung" pye' byid: va". Edom byu qe alhab' wa phyo' qheim" pye' qhug' ako". Yao: bam mae" khag' re: madang lo ngad: ako".

¹¹Naonhaung" nho: cug' zonau" qere ngore to: byid: co' gela,- yao: bam re ngo gun caung byid: nae". Naonhaung" nho: cug' mo" qe wa ngore qo" khug ngha: ako".

¹²Qobo dae byid' ru maqhug' man" ra" byu qe lhao" re: qobo dae byid' ra" keim re shaug' ca" ako". Qobo dae maqhug' lo: naonhaung" loe, nae" ein: jho ko" i? mangad: ai: keim mae" naonhaung" shaug' ca" ako".

¹³Bozra vogaung: wa qu" gyaug qu" din sho' ra" myao jao: we' din"pyad' yo boe" lo" li" nae" ein: ngo yao: jham tang" to: va". Byu qe wa aire qi: jung" pye' mung: ainho: mang re nhang: kheim: khyo" ci: li" genae". Avai: ayae mae" vogaung: jham wa apyad ato mae byo; qeim: jo; li" nae". ASANG ngo ta" to: va" ga" ru ngad: ra".

¹⁴Edom we"- ASANG mae" mungdao: ngo qo" khae: yu va". Yao: bam: gyetab jham re zhang: to: nae" byumyu" qere ta" kyo: nae" qhid' mae" we' naonhaung" re gyekhe' zin: nae" jin" jin" kad' nae" qhid' mae"- lagyo: dayaug re yao: nhao: ke' ava".

¹⁵ASANG wa naonhaung" re qam: nang: nhao nae". Khag' re: naonhaung" re maphug' myao: byid: genae".

¹⁶Naonhaung" nho: ngad beim" ru wa naonhaung" re mhug' pyag' pye' ako". Naonhaung" myid: jho ko" ra" qhi" khag' re: naonhaung" re magyaug genae". Naonhaung" wa laug byo, nhad' myhao: ra" bam au: mae na: ra" zeim baung: dadau: we' dakhyo: myhao: ra" jo, qo mae na: jo, sho' ngadqere: ASANG wa nao re yu: khyo" pye' nae". ASANG ta" to: va".

¹⁷ASANG wa Edom dao mae boe" li" nae" ra" byo; qeim: ru wa gyai xo: ruyang su" lai: lo" ra" mo, yaug khao: ngo" wa din: mo, mung: gyaug: din: pye' li" genae".

¹⁸Sodom we' Gomora we' ai: avai: ayae vogaung: jham phyo' qheim" pye' qhug' au: mae boe" ru we' dakhyo: za: Edom mae boe" li" nae". Khag' re: aimae madam: na lo: genae". ASANG ngo ta" to: va".

¹⁹Yodan gyaung: cao" yang: nyhug lao: qam" ra" mhin: gyo, jao: joe" sho' mae yaug ra" sag' mo" yo mae" khang khyi dadau: thug' li" ru we' dakhyo:- ngo thug' li" mung: Edom byu qere yao: bam: mung"dan: mae" nyag din taung" tao" phao: lo" nhao nae". Ailao" ngoyang khyin: yu: ra" yaug wa byumyu" re eib: li" nae". Ngo we' khoyaug qo" tau" ko" i? Pe" ru" ra" eib yaug ngore gye qo" kad' nae" i?

²⁰Aimung: Edom byu qere ngo gye kad' yang: yaung: to" ra" khyo re tae" gyo: ge,- Teman vogaung: byu qere ngo kad' nae" yaung: to" ra" khyo re tae" gyo: wa,- yao: bam: zoshao qe lhao" re: she: khyad' pye' ru qhug' li" genae". Amung: yaug khao: ngo" gyaug: din: pye' li" genae".

²¹Edom gyang: gyo" lo" lao"- myid gaung geim" laui" nan" ra" thoe thug' li" nae"- peim: byid' ra" hug' thoe wa Tham: Ne qid kaui vha" joe" sho' the' gyo" li" nae".

²²Gyevo wa daung phyid: ci yang: dao" gyo" lo: ra" zeim baung: dadau: we' dakhyo: Bozra re gyekhe' li" nae". Ai: ba na mae Edom gyezo: qe wa zo:khau: ra" myiqe: gyaug: din: ra" qhi" ngad: li" genae" ga" ru ngad: ra".

²³Ceru wa Damasku we' sin: yang: ta" ru ngad: ra". Yao: bam magai: ra" lau dao: the' gyo: vako" ruyang Hamad vogaung: jham we' Arpad vogaung: jham wa myid ci" mung: qug: khai: qhug' na: ako". Myid: ci" ru wa panglai: we' dakhyo: yao: bam: dao mae dang" nhai" lo" mung: yao: bam dugno: maqhug' ngad: ako".

²⁴Damasku byu qe wa qam: nang: mung: din: gyaug yang: phao: lo" ako". Yao: bam wa zo:khau no no: ra" myiqe: dayaug we' dakhyo: no mung: qug: khai: ako".

²⁵Ganhae" lhaung" pyo" ra" lahau: qi" ra" vogaung: wa bin sho' shapye' pye' ru qhug' ava".

²⁶Ai: ba mae yao" zolau: qe wa hau" mo" khyodang jham mae se' pye' qhug' li" genae". Amung: yao" gyezo: qe wa se' tam" pye' ru qhug' li" genae".

²⁷Damasku vang jham re ngo myi" yang ngha" mung: kho:kham Benhadad nho: kho:kham kho" wa nga" gyoe; gyo" lo" li" nae". Qam: bo: ra" ASANG ngo ta" to: va".

²⁸Ceru wa Keda amyu" kaung we' Babelon kho:kham Nebugkhaneza yang aung: pye' ra" Hazora yang eib: ra" mang: khaung: we' sin: yang: ASANG ta" ra" dao: ngad: ra". Aiwa- Keda byu qere khe' zin: ge,- ba thug' shad' mae" amyu" kaung qere phyo' qheim" pye' ge,.

²⁹Yao: bam: zaung jham- yao kyaung" jham- yao: bam: zaung qe, kyo pin: lung: jham re we' zaung khug mae jo; ja: alhab' re sham" yu ge,. Yao: bam: gola:u jham yu yang: byu qere- gyaug din pho: wa naonhaung" lhang" gam: mae ngad: ra" ein: ta" ge,.

³⁰Hazora byu qe we"- va: khyo tao" phao: ye: mung: yevho' genae" qhid' mae" ASANG ngo naonhaung" re ta" peim: byid: va". Babelon kho:kham Nebugkhaneza wa nao re gye khug' kad' ava". Ce wa yao: ta" ra" dao: ngad: ra".

³¹Aiwa sa"- gug: gam za: na: jo, ko" ra" ai: byu qere ngonhaung" yekhe' zin: gelang:- yao: bam: vogaung: wa kham: jham- kham: kyao" jham made, ngad: ako". Gug: gam: to" ru pe" majo, ngad: ra".

³²Yao: bam: gola:u jham we' yao: bam: gug'nyhug' alhab' re yu ge,- yao: bam: xae lang" lang" zo: ko' ci mo, re khyi" khao: ngo" khyo ngo nha: sin" ke' nae". Kyi" khyag' qug: khai: ru yao: bam: dao mae shad' khao: ngo" khyo" ngo boe" nhao nae".

³³Hazora wa zag ne jham za: na: ra" jo, qo apyad ato mae din"pyad' yo kad' pye' qhug' nae". Ai mae khag' re: madam: na lo: genae". ASANG ngo ta" to: va" ga" ru ngad: ra".

³⁴Zedekia Yuda kho:kham boe" thao mamyao" re Elam mung" we' sin: yang: qam: bo: ra" ASANG ngore dao: jhau: ra".

³⁵Yao: wa Elam re gyai qam: bo nhao: ra" lo, la: bag mo, alhab' re ngo se' pye' nae".

³⁶Ngo wa Elam re shad' khao: ngo" mae" gye kad' yang: la hug' nhao nae". Yao" nho: phao: khug na mo, maye na: ra" mung"dan: majo, losho' khyi" khao: ngo" khyo yao" byu qere ngo nha: sin" ke' nae".

³⁷Yao: bam re se' pye' nug: ra" yao: bam: gyevo qeyang Elam byu qere ngo gyaug nhao nae". Nga" nho: nhag' jam: yo" ruyang Elam byu qere se' tam" pye' mung: yao: bam re bin: sham" pye' sho' yao: bam re gye kad' ra" gyetab jham re ngo nhao: ke' byid: nae".

³⁸Yao: bam: kho:kham qe we' au: jhaung qere se' tam" pye' mung: nga" tao" khau" re aimae tau: to' to: nae".

³⁹Ngadqere: thao re wa Elam byu qere dam: na: dai nhao nae". ASANG ngo ta" to: va"- ga" ru ngad: ra".