Read Maru EZEKELA 35 Bible Online

EZEKELA 35 - Maru bible

EZEKELA 35

¹ASANG wa ngo re jhau: ra".

²Yao: wa shid ba: ra" yaug we"- Edom mung" re ta" phoe: pye' wa,-

³Mung" byu qere- kho:kham ASANG ngo ta" na: ru ta" kyo: wa,- ngo wa naonhaung" nho: gyevo ngad: Edom bam jham we"- ngo wa naonhaung" re cae: jhug tag jo, qo kad' pye' nae".

⁴Ngo wa naonhaung" nho: vomo" jham re byo; qeim: jo, nhao co' nae"- Aimung: naonhaung" nho: mug: myid: re cae: jhug tag jo, qo kad' to: co' nae"- Ailao" naonhaung" wa ngo ASANG ngad: rure ba: li" genae".

⁵Nao wa khonhae" re: abang mabyid: ra" Israel nho: gyevo ngad: ra". Aimung: yao" nho: byu qere yao: bam: qobo jham: qhid' mae" lo" thao" dao: kho' ra" ayo,- yao: qug: khai: byo; qeim: ra" yo, mae se' pye' ru qhug' nhao: ra".

⁶Aimung: kho:kham ASANG ngo wa kao so' daui: na: ra" Mao"So ngad- aimung: shid: ru wa ni" nho: au: pa ngad: ra"- aimung: nao wa airu mae" maqo" phao: loe, ngad: ra". Nao wa byu se' ra" qobo de, mung: byu se' ru wa nao jhao" cao" lo: li" nae".

⁷Ngo wa Edom bam mug: khaung: re cae: jhug tag jo, qo kad' pye' mung: ai: khyo" gyaung: su" lai" lo" ra" yaug khao:ngo" re se' pye' nae".

⁸Ngo wa bam jham mae sushid mao gaung byang" sho' kad' pye' mung: gye poe mae se' pye' qhug' ra" mo, nho: mao gaung jham wa bug gaung jham we' lao: khaung: jham mae byang" byaug nae".

⁹Ngo wa nao re apyad ato mae cae: jhug tag kad' pye' mung: ni" nho: vomo" jham mae khag' madam: na: lo: genae". Ailao" naonhaung" wa ngo ASANG ngad: rure ba: li" nae".

¹⁰Ngo ASANG wa Israel we' Yuda nho: Mao"So ngad sho' qere:- nao wa Israel we' Yuda byumyu" shid' ja: re yao: bam: mug: myid we' daga" nao sang mung: yao: bam re sang: yu: pye' nae" ga: nao ta" ra".

¹¹Aimung: kho:kham ASANG ngo wa kao so' daui: na: ra" Mao"So ngad:. Aimung: ngo wa nao: yang nga" byumyu" re nhag' yo" ru- qu" nhung: ru- nghang" ru qhid' mae" nao re lage, dam: phaug' nae". Ngo wa nao: yang yao: bam re kad' ra" qhid' mae" nao re qobo dae byid' rure yao: bam ba: li" genae".

¹²Ailao" Israel bam jham wa cae: jhug tag ngad mung: aijham wa nao zo" pye' nae" qhid' mae" ngad: ra" ga: nao maphug' makhyad' ta" rure ngo ASANG the' gyo: va" rure nao ba: li" nae".

¹³Nao: yang ngo re maphug' makhyad' kad' yang: phug: ra" khyo" nug: khyo: ceta" rure ngo the' gyo: va".

¹⁴Kho:kham ASANG wa nao re xo' sho' cae: jhug tag kad' pye' mung: damug: myid geim" wa,-

¹⁵Ngo yao: sang: ra" Israel re phyo' sin" pye' ra" au: nao ngaui bau" ru we' dakhyo: yao: nao byo; gyo" lo" rure ceim" qu" yang: ngaui bau" li" genae". Seira bam jham- ngad va"- Edom nho: mug: myid alhab' wa cae: jhug tag boe" lo" li" nae". Ailao" ngo ASANG ngad: rure yaug khao:ngo" ba: li" genae"- ga: ta" ra".