Read Maru YONA 2 Bible Online

YONA 2 - Maru bible

YONA 2

¹Ngo: vae: dug: khug mae Yona wa ASANG yao" Mao"So re mho' yao: ra".

²ASANG we" nga" nho: nhag' kaug' nhag' ngai: rumae nao re ngo mho' yao mung: nga" mho' yao thoe re nao tau: byid' ra"- shid: ra" no; thao" tham: no, mae" ngo hug' yao: ke' re nao gyo: byid' ra".

³Nao wa ngore qid jham: yang lhang" kham" to" ra" panglai: qid tham: athai: khyo pye' khyo" pye' mung: ni" nho: qam: bo: ra" bang: lhung" jham wa nga" dao mae lheim" pye' ako".

⁴Ngo wa ni: myo, khung: mae" khe' thug' pye' ru qhug' mung: ni" nho: gyang" lho" ra" Caung:pa" Yham re khonhae" re: madam: the' myao lo nae" laug ein: jho: pye' va".

⁵Qid wa nga" dao mae nhai" pye' mung: ngore so' laung" laung" nhao: ra" nga" dao mae panglai: nhai" pye' mung: ju: jham wa nga" au: lam: mae thab' pye' va".

⁶Ngo wa bam aqao: khyo gyo" lo" va"- apyad ato kham: pyid' to" ra" mug: khyo gyo" ye: va"- ngadqere: O" nga" Mao"So ASANG nao wa ai: tham: no, khug mae" ngore dam: phoe' yu va".

⁷Nga" kao so' gan: lo" na: rure the' gyo" au: re O" ASANG we"- nao re ngo akyu" mho' yao: ra". Aimung: nao wa nga" akyu" mho' yao thoe re ni" gyang" lho" Caung:pa" Yham mae" gyo: byid: va".

⁸Pe" phug' made; ra" solho re caung:pa" mo, wa nao re gyaug phug' ra" khyo re to" pye' avako".

⁹Ngadqere: ngo wa nao re caung: nghaui" na nae" ngo wa nao re ngaui" xeim: qhaug' byid: mung: ngo to" to" ra" dao: thang" re kad' pyang" nae" ngad: Khyad' yu: ra" khyo wa ASANG mae" joe" li" ra" wo"-

¹⁰Aimung: ASANG wa Yona re panglai: qid zo" mae yephoe" to: nae" qhid' mae" ngo: re amyin" byid: mung: ai: ngo: re: aru: kad' ra".