Read Maru ZEKHARI 13 Bible Online

ZEKHARI 13 - Maru bible

ZEKHARI 13

¹Ai: ayo joe" lo: re- Davi nho: myid:zo: qe we' Yerusalem vobyu qere yao: bam: sulho caung:pa" ra" qobo mae" cid' shao: pye' byid: nae" qhid' mae" qid thug' dalam: yug: thug' li" nae".

²Ai: ayo mae ai: mug: mae" so alho jham re ngo yu: pye' nae". Aimung: ai: mang jham re khag' maxam: lo: genae". Lapa ngad: ga: mo, yaug khao: ngo" re ngo yu: pye' mung: so alho re caung:pa" nug: ra" nhag' lam: rere: yu: pye' byid: nae".

³Ai: ayo, mae dayaug yaug qe lapa mapa magai ga: phin" na: ngad: re yao: myhi" we' yao: pho" yang se' pye' ca" va" ga: yao: re ta" li" genae"- pe"mung:ga"re yao: wa ASANG: dao: re ta" ga: mho mung: ai: atha" mhug' dao: re jhau yang: ngad:- yao: lapa pa: au: yao: yao" myhi" pho" tao yao" yang yao: re shae pyang" yang thug' kyab' se' pye' li" genae".

⁴Ai: ayo, joe" lo: re- lapa khoyaug re: yao: yao" qhu" lho: mathao mae maqo" phug genae". Lapa we' dakhyo: re: khag' makad' genae". Byu qere mhug' pyag' nae" qhid' mae" lapa bau: qhang re: khag' mave, genae".

⁵Ai: atha" yao: wa ceru: ga: ta" li" nae". Ngo wa lapa mangad: yo kad' zo: yaug angad:- nga" pyad geim" mae yo kad' zo" lo va"- ga: ta" li" nae".

⁶Ailao" dayaug yaug: yang yao: re- aire ni" qao gao mae" dae khu wa pe" ngad: va" i? ga: myid' re yao: wa Nga" ba nam dayaug: yham mae" dae de' yu: ru ngad: ga: tau" li" nae"- ga: ta" ra".

⁷Qam: so' bo: thao" ra" ASANG wa ceru: ta" ra". Shae pyang: we" So" to" li" mung: nga" qhid' mae" mau" zaui" ra" yao zam: yaug re khe' zin: wa,. Yao: re se' pye' mung: yao jham wa phao: byo: sin" li" li" genae". Ngo wa nga" byu qere khe' zin: nae".

⁸Aimung: damang: geim" mae vobyu sam bam mae" shid' bam: gu: shid: byaug: li" genae".

⁹Aimung: ngo wa na: dang: ra" sam bam dabam re jham" qu" nae". Ngaui re myi" yang kyang" shao: pye' ru we' dakhyo: yao: bam re ngo kyang" shao: pye' nae". Qhang re jham" qu" ru we' dakhyo: yao: bam re jham" yu nae". Ailao" yao: bam wa ngo jhao" akyu" mho' li" genae"- ngore: yao: bam re tau: byid: nae". Yao: bam re nga" byumyu" ngad: ako" ein: ngo ta" kyo: nae". Aimung: ngo wa yao: bam: Mao"So ngad: ra" ga: yao: bam lhang: yu: li" genae"- ga: ta" ra".