Read Maru 1THESALONI 3 Bible Online

1THESALONI 3 - Maru bible

1THESALONI 3

¹Lo" thao" mae ngonhaung" wa mathan" zang" na loyang: ngonhaung" yao: za: Athen vogaung: mae thang: gyo" co' nae" myid: phyid' mung:-

²Khristu nho: khyo Ngaui Bau" Lau Dao: Gai re kho" kyo" ra" mau" zo" mae ngonhaung" we' daga" Mao"So: mau" vin yaug ngad: ra" ngonhaung" mao:nhaung: pho" Timothi re naonhaung" jhao" ngonhaung" nhao: ke' va".

³Naonhaung" mae" khag' dayaug re: ai: yhin" ru jham: mathao mae naonhaung" lam khug: myid malab malaui: geshao: nyhad' tang byid: nae" we' naonhaung" re qam: byid: nae" qhid' mae" ngonhaung" wa yao: re nhao: ke' ru ngad: ra". Airu" ra" yhin" rure ngonhaung" kham zo" ru wa ngonhaung" qhid' mae" Mao"So myid o: ra" khyo ngad: rure naonhaung" yao: ba: ako".

⁴Pe"mung:ga"re ngonhaung" wa yhin" rure kham zo: ca" nae" ngad: rure ngonhaung" we' daga" na: au: mae" gau: qhid' khae" yang: ngonhaung" naonhaung" re ta" va". Airuyao: boe" lo va" rure naonhaung" yao: nyang" za: ba: ako".

⁵Aimung: yang: ngo wa Timothi re naonhaung" jhao" nhao: ke' ru ngad: ra". Ngo wa mathan" zang" na loyang: naonhaung" lam khug myid khoru: ngad: na ko" rure ba nug mung: yao: re ngo nhao: ke' ru ngad: ra". Ai: yui wa ngonhaung" re ju" phyo' yu: pye' mung: ngonhaung" qam: ke' lo: ra" mau" zo" alhab' aje amyid boe" pye' nae" laug ein: ngo myid: ci" ra".

⁶Ana" Timothi wa naonhaung" mae" dam: tug' joe" lo mung: naonhaung" lam khug: myid we' jhid'de; myid we' sin" ra" lau dao: ngonhaung" jhao" vin: lo byid' ra". Naonhaung" wa ngonhaung" re khonhae" re: kao bau myid: beim" na gemung: naonhaung" re ngonhaung" khoqhi" sho' myao nug: na: ru we' dakhyo: naonhaung" re: ngonhaung" re myao nug na ko" ra" khyo re Timothi wa ngonhaung" re lo:ta" kyo" ra".

⁷Arumung: mao:nhaung: qe we"- Ngonhaung" wa qug:khai" ru we' dayin dayo: kham zo" na: au: naonhaung" lau thoe re the' gyo: lao"- ngonhaung" wa qam: sag' qo" yu: bam va". Naonhaung" nho: lam khug: myid wa ngonhaung" re qam: qo" yu nhao: ra".

⁸Pe"mung:ga"re naonhaung" wa Asang: khug mae tang za: ye; jo, ko" ngad: re wa ana" gaigai: yao: ngonhaung" so' qo" she: ra".

⁹Ana" ngonhaung" wa naonhaung" mathao mae ngonhaung" Mao"So re jeju caung:khin" ra". Naonhaung" mathao: yang yao" qhid' kheim: mae ngonhaung" qo" yu: ra" ngaui bau" ru qhid' mae" Mao"So re jeju caung:khin" ra".

¹⁰Naonhaung" we' gaung dau: myo, nho jho" qhug' myao mung: naonhaung" lam khug: ra" khyo mae qo ca" shiko" ra" gu: re li" qo" bao" thaug' byid: nae" qhid' mae" ngonhaung" wa myi" re: na" re: aung khug nhag' lam: alhab' we' Mao"So re akyu" mho' ra".

¹¹Ngonhaung" Pho" Mao"So yao: we' ngonhaung" Asang Yesu wa naonhaung" jhao" li" nae" qhid' mae" ngonhaung" re khyo qid nyhang" byid: vashao:.

¹²Asang wa yao: cao: jho" jhid'de; ra" naonhaung" jhid'de; myid re we' su alhab' re jhid'de; ra" naonhaung" jhid'de; myid re je: myo" li" nhao mung: naonhaung" re ngonhaung" jhid'de; ra" myid qhi" qi" qhang: li" nhao vashao:.

¹³Ce:khyo" yang yao: wa ngonhaung" re qam: bo nhao: li" nae"- ngonhaung" Asang Yesu wa yao" gyang" lho" ra" mo, alhab' we' daga" joe" li" ra" au: ngonhaung" Pho" Mao"So: qhid' kheim: mae ngonhaung" wa qobo vhin khyo mabo: ru we' gyang" lho" ra" mo, boe" li" li" genae".