Read Maru YOSHU 15 Bible Online

YOSHU 15 - Maru bible

YOSHU 15

¹Yuda amyu" mae" yham khaung qe wa mung"dan: re o mae tung" qhu" to" ru we' dakhyo: qo" khae: yu: ako". Ai: mug:myid wa mug: thao shad'- Edom mug: kyo: mae" Zin din"pyad' yo joe" sho'-

²Ce: mug: thao shad' mug: kyo: wa tham: shid nho: mug: thao shad' ajheim mae"-

³Mug: thao shad' khyo gyo" lo: ra" Akrabim bam gyo: we' Zin din"pyad' joe" sho'- aimae" xo' mung: Kade Barne mug: thao shad' mae" Hezron lai- Adda Karka shad' joe" sho'.

⁴Azmon khyo xo' ye: mung: Egutu mug: kyo: gyaung: zo: re cao" ye" lo" yang: mug: kyo: lo" thao" ra" Mug:gaung: panglai: khyo joe" sho' ngad: ra". Aiwa Yuda mung" nho: mug: thao shad' mug: kyo: ngad: ra".

⁵Ba thug' shad' mug: kyo: wa Tham: Shid ngad mung:- ai wa tho' khyo Yodan gyaung: yug: zaui: ra" qid ko' joe" sho' ngad: ra".

⁶Mug: am: shad' mug: kyo: wa aimae" qhid mung: Bed Hogla joe" sho' we' Yodan lao:khaung: re myao: ra" bam au: jin joe" sho' ngad: ra". (Boham wa Rubin nho: yauggai zo: ngad: ra".)

⁷Aimae" qug: khai: lao:khaung: mae" Debi joe"- lao: khaung: nho: mug: thao shad' mae" Adummim bam gyo: khyo myo,nho qhang: to" ra" Gigala joe" sho' aimae" Ensheme qid thug'- aimae" Enroge lai yang:-

⁸Aimae" Yebusi byu qe na ko" ra" Yerusalem jo; ra" bug gaung mug: thao shad' Hinnom lao:khaung: khyo" lai: phyid' lo" ra". Mug: kyo: wa Hinnom lao:khaung: ba vao shad' Rephaim lao:khaung: mug: am: thao mae" bam au: khyo joe" sho'-

⁹Aimae"- Nebhtoa qid thug' joe"- Ephron bam nhae mae" vogaung: jham khyo joe" sho' ngad: ra".

¹⁰Aimae" xo' yang: Bala (Kiriad Yearim) shad' khyo lhang: lo" mung: aimae" Bala ba vao shad' re lhang" yang: Edom bam mug: shad' khyo lo"- Yearim bam (Khesalon) mug: am: shad' lai: ye:- aimae" Bed- Sheme khyo gyo" lo" mung: Timna re lai: phyid' lo" ra".

¹¹Mug: kyo: wa Ekron mug: am: bug: gaung khyo joe"- Shikeron shad' khyo lhang: lo"- Bala bam re lai: phyid' yang: Yamnia khyo joe" ra".

¹²Ai: mug: kyo: wa ba vao shad' mug: kyo: ngad: ra" Mug:gaung: panglai: mae lo" thao" ra". Ce: mug: kyo: khug mae Yuda amyu" mae" yham khaung jham na: ako".

¹³ASANG: yang Yoshu re amyin" byid' to" ru we' dakhyo: Yuda mug:myid dadau re Yuda amyu" mae" Yephune nho: yauggai zo: Khaleb re byid' ra". Yao: wa Arba nho: yao: pho" Arba sang: ra" Hebron vogaung: re khae: yu: ra".

¹⁴Khaleb wa Anag nho: myid:zo: qere vogaung: mae" khe' thug' pye' ra". Aibam wa Sheshai- Ahiman- Talmai kaung qe ngad: ako".

¹⁵Aimae" yao: wa Debi mae na ko" ra" mo, re gye yekhe' zin" ra". (Ce: vogaung: re Kiriad Sephe ga: lhaung" mhang" ako".)

¹⁶Khaleb wa Kiriad Sephe re qo" khe' aung: sang: pye' yaug re nga" myiqe: zo: Aksa re lo, xo' yu nhao nae"- ga: ta" ra".

¹⁷Ailao"- Khaleb yao:nhaung: Kena nho: yauggai zo: Othnie wa ai: vogaung: re khe' aung: yu: ra". Airumung: Khaleb wa yao: re yao" myiqe: zo: Aksa re lo, xo' yu nhao: ra".

¹⁸Lo,xo' ba na mae Othnie wa Aksa re yao: pho" mae" yothaung: mho' yu nae" jhan" ra". Aksa wa loze dao mae" gyo" ra". Khaleb wa yao: pe" o: rure yao: re myid' ra".

¹⁹Ailao"- Aksa wa qid thug' tham: daqhae: re ngo o: ra". Nao: yang ngore byid' to" ra" mug:myid wa mug: kyaug' ngad: ra" ga: tau" ra". Aimung: Khaleb wa yao: re tho' mae" qid thug' we' o mae" qid thug' re byid' ra".

²⁰Ce wa Yuda amyu" mae" yham khaung qe yao: bam: jo,nho" khyo" qo" khae: yu ko" ra" mug:myid ngad: ra".

²¹Edom mug: kyo: nhae mae" ngad mung: yao: bam sang ko" ra" mug: thao shad' va" thao" ra" vomo" jham wa- Kabze- Ede- Yagu-

²²Kina- Dimona - Adada -

²³Kade - Hazora - Itnan -

²⁴Zilpa - Telem - Bealod -

²⁵Hazora Hadata- Keriod Hazron- (Hazora)-

²⁶Amam- Shema- Molada-

²⁷Hazara Gada- Heshmon- Bedpheled-

²⁸Hazara Shual- Bersheba- Biziothia-

²⁹Bala- Lim- Ezem

³⁰Eltolad- Khesi- Horma

³¹Ziglag- Madmanna- Sansanna

³²Lebaod- Shilhim- Ain- Rimmon aibam: lhang" gam: vogaung: jham we' daga" alhab' wa shid' xe: gug vo ngad: ra".

³³Bam khyid mae" vomo" jham wa Esthao - Zoa - Ashna -

³⁴Zanoa - Engannim - Tapua - Enam -

³⁵Yamud - Adulam - Sokho - Azeka -

³⁶Sharaim - Adithaim - Gedera- Gederothim- aibam re lhang" kham" to" ra" vogaung: jham we' vomo" daxe: byid vo ngad: ra".

³⁷Zenan - Hadashe - Migdalgad -

³⁸Dilean - Mizpa - Yokthe -

³⁹Lakhi - Bozkad - Eglon -

⁴⁰Kabon - Lamam - Khitli.

⁴¹Gederod - Bethdagon- Naama- Makeda jham re: ngad mung: ai bam re lhang" kham" to" ra" vogaung: jham we' vomo" daxe: khyaug' vo ngad: ra".

⁴²Aimung: Libna - Ethe - Ashan -

⁴³Iptha - Ashna - Nezib -

⁴⁴Keila - Agzib - Maresha- jham re: ngad mung: aijham re lhang" kham" to" ra" vogaung: jham we' vomo" gug vo ngad: ako".

⁴⁵Ekron we' ainho: vogaung: vongai jham-

⁴⁶Ekron mae" Mug:gaung: panglai: joe" sho' Ashdod nhae mae" vomo" jham we' vogaung: jham-

⁴⁷Egutu mug: kyo: qid gyaung: zo: we' Mug:gaung: panglai: qid yae cao" yang: joe" ra" Ashdod we' Gaza vomo" we' aishid' vo: nho: vogaung: we' vongai jham bobo: ako".

⁴⁸Bam mug: mae- Shamira- Yati- Sokho-

⁴⁹Danna- Kiriad Sephe (Debi)

⁵⁰Anab- Esthemoa, Anim

⁵¹Goshen- Holon- Gilo jham ngad: ra". Aijham re lhang" kham" to" ra" vogaung: we' vomo" daxe: davo ngad: ra".

⁵²Amung: Arab - Duma - Eshan -

⁵³Yanim - Bed Tapua - Apheka -

⁵⁴Humta - Hebron we' Zio jham re: ngad: ako". Aijham re lhang" khan" to" ra" vogaung: jham we' vomo" gug vo ngad: ra".

⁵⁵Maon- Khame- Zilpa- Yuta

⁵⁶Yezre- Yokdeam- Zanoa

⁵⁷Ka-in Gibea- Timna- jham ngad: ra". Aijham re lhang" kham" to" ra" vogaung: jham we' vomo" daxe vo ngad: ra".

⁵⁸Hahula- Bethzu- Gedo-

⁵⁹Marad- Bethanod- Eltekon jham ngad: ra". Aijham re lhang" kham" to" ra" vogaung: jham we' vomo" khyaug' vo ngad: ra".

⁶⁰Kiriad Bala (Kiriad Yearim) Raba- aishid' vo re lhang" kham" to" ra" vogaung: jham we' vomo" shid' vo ngad: ra".

⁶¹Din" pyad' yo shad' mae- Bed Araba- Midin- Sekhakha-

⁶²Nibshan- xo: vomo" we' Engedi jham ngad: ra". Aijham re lhang" kham" to" ra" vogaung: jham we' vomo" khyaug' vo ngad: ra".

⁶³Ngadqere: Israel byu qe wa Yerusalem mae na ko" ra" Yebusi byu qere maqo" khe' thug' pye' ngad: ako". Yebusi byu qe wa aimae Yuda byu qere: daga" na: jo; ashiko".