Read Maru YOSHU 19 Bible Online

YOSHU 19 - Maru bible

YOSHU 19

¹Shid' lhang mae Simon amyu" kaung qere jaung byid' ra". Ainho: mug:myid: wa Yuda amyu" re jaung byid' ra" mug:myid joe" sho' lu: ra".

²Aimae Bersheba- Sheba- Molada-

³Hazara Shual- Bala- Ezem-

⁴Eltolad- Bethu- Horma-

⁵Ziglag- Bed Marakhabod- Haza Susa-

⁶Beth Lebaod- Sharuhen vomo" daxe: sam vo we' daga" aibam re lhang" kham" to" ra" vogaung: jham bobo: ako".

⁷Amung: Ain- Rimmon- Ethe- Ashan vomo" byid vo we' daga" ai bam re lhang" kham" to" ra" vogaung: jham re: ngad: ako".

⁸Ce: vomo" jham re lhang" kham" to" ra" vogaung: alhab' bobo mung: mug: thao shad' Balad Bera (Rama) joe" sho' ngad: ra". Ceru wa Simon amyu" yham khaung qe yao: bam: jo,nho" khyo" khae: yu: ra" mug:myid ngad: ra".

⁹Yuda re jaung byid' ra" mug:myid wa qo: ra" tho' je: qi" ruyang ai: mug:myid dadau re Simon amyu" re byid' pye' ako".

¹⁰Sam lhang mae Zebulun amyu" yham khaung qere jaung byid' ra". Yao: bam qo" yu: ra" mug:myid wa Sarid joe" sho' ngad: ra".

¹¹Mug: kyo: mae" ba vao shad' khyo lo" mung: Marea- Dabeshed- Yokneam ba thug' shad' mae" qid zo: gyaung: khyo joe" ra".

¹²Sarid gatau shad' mae" mug: kyo: wa- ba thug' shad' Khislod Tabo mug: kyo: shad' khyo joe" lo" ra". Aimae" Daberad khyo we' Yaphia khyo joe" do, lo" ra".

¹³Aiwa Gat Hephera we' Ethkazin- lai mung: ba thug' shad' khyo xo' yang: Rimmon khyo joe" ra" khyodang mae jo; ra" Nea khyo lhang: ye" lo" ra".

¹⁴Mug: am: shad' mae" mug: kyo: wa,- Hanathon shad' khyo lhang: lo" mung: Ipthahe lao:khaung: mae lo" thao" ra".

¹⁵Aimae Katad- Nahala- Shimron- Idala- Betlehem bobo mung: vomo" daxe: shid' vo we' ai bam re lhang" kham" to" ra" vogaung: jham ngad: ako".

¹⁶Ce: vomo" jham we' aibam: vogaung: jham wa Zebulun amyu" yham khaung qe yao: bam: jo,nho" khyo" qo" khae: yu ko" ra" mug:myid ngad: ako".

¹⁷Byid lhang mae Isakha amyu" yham khaung qere jaung byid' ra".

¹⁸Ai: mug:myid mae Yezre - Khesulod - Shunem -

¹⁹Hapharaim - Shion - Anaharad -

²⁰Rabid - Kishion - Ebez -

²¹Remed - Engannim - Enhada- Betphaze jham bobo: ako".

²²Mug: kyo: wa Tabo- Shahazuma- Bed Sheme jham re tin: mung: Yodan gyaung: mae lo" thao" ra". Aimae vomo" daxe: khyaug' vo we' daga"- aibam re lhang" kham" to" ra" vogaung: jham ngad: ako".

²³Ce: vomo" jham we' ai bam: vogaung: jham wa Isakha amyu" yham khaung qe yao: bam: jo,nho" khyo" qo" khae: yu: ra" mug:myid mae bobo: ako".

²⁴Ngo" lhang mae Ashe amyu" yham khaung qere jaung byid' ra".

²⁵Ai: mug:myid mae- Helkat- Hali- Beten- Akhshap-

²⁶Alam Meleg- Amad- Misha bobo: ako". Ba vao shad' khyo Khame we' Shiho Libnad mae lo" tin" ra".

²⁷Aiwa Ba thug' shad' khyo lhang: lo" mung: Bethdagon khyo ye" lo" yang: Zebulun we' Iptahe lao: khaung: mae lo" tin" mung: mug: am: shad' Bethemeg we' Neie khyo joe" ra". Mug: kyo: wa mug: am: shad' Khabu khyo joe" lo" ra".

²⁸Amae" Ekron- Rehob- Hammon- Kana- Sidon Joe" sho' ngad: ra".

²⁹Aimae" Rama shad' khyo lhang: lo" mung: vang zao: to" ra" Ture vomo" re lo" joe" ra". Amung: Hosa khyo lhang: lo" mung: Mug:gaung: panglai: mae lo" thao" ra". Aimae Mahalab- Akhzib-

³⁰Umma- Apheg we' Rehob jham bobo: ako". Vomo" shid' xe: shid' vo we' aibam re lhang" kham" to" ra" vogaung: jham ngad: ako".

³¹Ce: vomo" jham we' ai: bam: vogaung: jham wa Ashe amyu" yham khaung qe yao: bam: jo,nho" khyo" qo" khae: yu: ra" mug:myid mae bobo: ako".

³²Khyaug' lhang mae Nabhtali amyu" yham khaung qere jaung byid' ra".

³³Aimung: mug: kyo: wa Helep mae" Zanannim jo, qo mae" shikhai:- Adaminekeb- Yamnia- Lakum joe" sho' ngad mung: Yodan gyaung: mae lo" thao" ra".

³⁴Aimae mug: kyo: wa ba vao shad' khyo lhang: lo" mung: Aznod Tabo joe"- aimae" Hugkog mug: thao shad' Zebulun re lo" tin:- ba vao shad' Ashe re tin:- ba thug' shad' mae Yodan gyaung: ngad: ra".

³⁵Vang zao: to" ra" vomo" jham wa Zidim- Zera- Hamad- Rakad - Khinered -

³⁶Adama - Rama - Hazora -

³⁷Kade - Edri - Enhazo -

³⁸Yiron - Migdale- Horem - Bethanad - Bed Sheme jham ngad: ako". Vomo" daxe: gug vo we' aijham re lhang" kham" to" ra" vogaung: jham bobo: ako".

³⁹Ce: vomo" jham we' aibam: vogaung: jham wa Nabhtali amyu" yham khaung qe yao: bam: jo,nho" khyo" qo" khae: yu ko" ra" mug:myid mae bobo: ako".

⁴⁰Nhad' lhang mae- Dan amyu" yham khaung qere jaung byid' ra".

⁴¹Ai: mug:myid wa Zoa - Eshtao - Irsheme -

⁴²Shalbim - Aiyalon - Ithla -

⁴³Elon - Timna - Ekron -

⁴⁴Elteke - Gibethon - Balad -

⁴⁵Yehu - Beneberag - Gathrimon -

⁴⁶Mejarkon- Rakon- Yopa lhang" gam: mug:myid joe" sho' ngad: ra".

⁴⁷Dan amyu" kaung qe yao: bam: mug:myid seim" pye' gelao"- yao: bam wa Laisha khyo gye yezin" ako". Aire khe' aung: yu mung: ainho: vobyu qere se' pye' ako". Amung: yao: bam: mug:myid khyo" sang: yu: ako". Yao: bam aimae te" na mung: vomo" mang Laisha re Dan ga: tha" mhang" pye' ako". Ai: mang wa yao: bam: phug' pho" Dan re cao" yang: mhang" ru ngad: ako".

⁴⁸Ce: vomo" jham we' aibam: nho: vogaung: jham wa Dan amyu" yham khaung qe yao: bam: jo,nho" khyo" qo" yu: ra" mug:myid mae bobo: ako".

⁴⁹Israel byu qe mug:myid re bin kho' yu gelao"- yao: bam wa Nun nho: yauggai zo: Yoshu re yao" mug:myid khyo"- mug:myid dadau byid' ako".

⁵⁰ASANG: yang amyin" byid' ru we' dakhyo:- yao: bam wa yao: mho' ra" vomo" ngad: ra"- Ephrim bam mug: mae" Timna Sera re yao: re byid' ako". Yoshu wa vomo" re dam: zao mung: aimae te" na: ra".

⁵¹Khinjaung Eleaza- Nun nho: yauggai zo: Yoshu we' Israel byumyu" nho: yham khaung qenho: au: jhaung qe wa Shilo mae" ASANG: qhid' kheim: Zaung kham: dung: mae pha" ce' khyo" mung: ASANG we' jho" qham yang: ce: mug:myid re jaung: ru ngad: ako". Yao: bam wa mug:myid gae: ra" mau" re ceru: pin" pye' ako".