Read Maru 1TIMOTHI 3 Bible Online

1TIMOTHI 3 - Maru bible

1TIMOTHI 3

¹Phung: au: jhaung boe" nug: ra" myid kao bau: ra" yaug wa gai shab: ra" mau" zo" re kao bau yaug ngad: ra"- ga" ra" dao: khyo: wa dangman" ra" dao: ngad: ra".

²Phung: au: jhaung kad' yaug wa qobo mabo: ra" yaug- yham sang myhi" dayaug za: qo" yaug- yhid mayid yaug- yao: yao" gaung re qo" khang" yaug- ave, de, yaug- bang" da" nug yaug- mho" shid' byid: ngau: bo yaug ngad ca" ra".

³Yao: wa yhid ya:- byu qan yaug magai: ngad ngad: ra". Nau" nhae" ru we' ngaui pyo: yaug yo: rure kao bau yaug ngad qo: ra". Yao: wa ngaui qhang re au: am: yaug magai: ngad ngad: ra".

⁴Yao: wa yham byu qere nyang" za: qo" eib khang" yaug ngad mung: yao" zo: dau qeyang phug' myao: taung" mho dao: gyo: byid' ra" yaug ngad qo: ra".

⁵Pe"mung:ga"re yao: yao" yham byu qere khoru: eib khang" nae" maba: ra" yaug wa Mao"So: phung: re khoru: qo" gun caung nae" i?

⁶Yao: wa ngad beim: myid bo: thug' li" mung: Satan re"ru: dao: phyid' ru maqhug' nae" qhid' mae" yao: wa lam khug: rumae zoqao" ngad qo: ra".

⁷Yao: wa jung" gaui: pye' ru maqhug' nae" we' Satan nho: lha" khug khyo magyo" vao nae" qhid' mae" yao: wa phung: taung gaung shad' mae" byu qeyang phug' myao: byid: qhug' ra" yaug ngad qo: ra".

⁸Phung: tau qe re: nhag' lam: din:man" ru we' gai: ra" ave, de, mo, ngad qo: ra". Yao: bam wa sabyi qang: re au: maam: mo,- mangad: lao" ngaui qhang re so' kho' myid mabo mo, ngad ca" ra".

⁹Yao: bam wa ai: qhu" byid' to: va" ra" dang"man" ra" lam khug khyo re aug khug nhag' lam: qang: qang: za: zaui" zag: ci mo, ngad qo: ako".

¹⁰Yao: bam wa sao qhid' jham" qu" rure kham: yu mung: yao: bam re qobo vhin nae" khyo pe" mabo ngad: re wa phung: tau mau" re vin vo, caung da" byid: vageshao:.

¹¹Yao: bam: yham sang myhi" qere: ave, gai mo, ngad qo: ra". Gaui mho- lau hab' mo, magai: ngad ngad: ra". Yao: bam wa yhid mayid: ru we'- ja: khao: ngo" mae nhag' lam: jao lam ga" mo, ngad qo: ra".

¹²Phung: tau pho" wa yham sang myhi" dayaug za: qo" yaug ngad mung:- yao" zo: dau qere we' yao" yham byu qere nyang" za: qo" eib khang" yaug ngad qo: ra".

¹³Yao: bam yao" mau" zo" re nyang" za: aung doe, sho' vin vo; ra" phung: tau qe wa- nga: ye, mung: Khristu Yesu khug mae yao: bam: lam khug: ra" khyo re mazag mavae qo" ta" hau" ako".

¹⁴Ngo wa nao jhao" ce: vhin tung" re tung" ke' ra" ayo, mae- mataung" myao" re nao jhao" li" qhug' nae" rure ngo myid: lao" ra".

¹⁵Ngadqere: ngo myao" na yang: ngad: re wa kao so' daui: na: ra" Mao"So: phung: ngad mung: dangman" ru: nho: zang baung: we' apan aqao: ngad: ra" Mao"So: yham byu qe ngonhaung" khoru: na ye; ang: ra" khyo re ce: vhin tung" wa nao re ba nhao: li" nae".

¹⁶Ngonhaung" lam: ra" caung:pa" thung" wa gyai no; thao" ru ngad: rure khag' dayaug re: maqo" ha: pye' ru wa o mae ta" ru we' dakhyo: ngad: ra". Yao: wa xao su byu: ve, vin yang: po" li" mung: Byo: yang jo: ra" yaug ngad: ga: qhu" byid: qhug' yaug ngad: ra". Mug: lagyo: jham: yang re: yao: re myao: avako". Yao" khyo re byumyu" cao jab: phaung mae kho" kyo: byid: mung:- Mug: myid jao: sho' mae" mo, yao: re lam" avako". Yao: wa mug:gaung khyo to' yu: ru qhug' ava".