Read Maru QHU" BYID: 3 Bible Online

QHU" BYID: 3 - Maru bible

QHU" BYID: 3

¹Sardi vogaung: phung" nho: mug: lagyo: re ceru: tung" ke' wa,- ce: mungdao: wa Mao"So: byo nhad' yaug we' kyi nhad' ce' qo" ra" yaug mae" mungdao: ngad: ra". Nao pe" kad' na: rure ngo ba:- nao wa shid: jo, sho' ngadqere: daui: na: ga: mang qi" na: rure ngo ba:-

²Airumung: beim: so" lo wa,- nao mae qo" jo, shi" ra" qam: so' bin sho' mathao" byaug shire qam: dam: pyang" yu wa,- pe"mung:ga"re nga" Mao"So: qhid' kheim: mae nao zaui: so" lo: ra" lo, mau" majab byang" shi" rure ngo qhug' myao:.

³Aimung:- nao zhao: yu va" ru we' the' gyo" yu va" ja: re myid: beim: wa,- aire phug' cao" mung:- ni" qobo jham mae" dam: phaug' lo wa,- nao mabeim: so" lo ngad: re wa- khug' hab' we' dakhyo: ngo nao jhao" joe" li" nae"- ngo joe" li" nae" ayo, re lhao" re: nao maba nae".

⁴Ngadqere: Sardi vogaung: mae na: ra" mo, mae" damyo" wa naonhaung" yao" mai bau: jham re san san za: zam" ci: avako". Naonhaung" wa mai bau: phyu ve; ci yang: ngo we' daga" su" li" genae". Pe"mung:ga"re naonhaung" wa airu: kad' nae" man: qi" ra" mo, ngad: ako".

⁵Aung doe; ra" mo, wa ce we' dakhyo: mai bau: phyu qhug' ve; li" genae". Amung: ngo wa yao: bam: mang jham re kao so' mugsug' paug' mae" mayu: pye' nae". Nga" pho" we' yao" mug: lagyo: qe: qhid' kheim: mae yao: bam nga" byu qe ngad: rure de: de: za: ta" nae".

⁶Airumung: no: de; ngad: re wa Byo: yang phung: jham re ta" ra" dao: re tae" gyo: wa,

⁷Philadelphia vogaung: phung" nho: mug: lagyo: re ceru: tung" ke' wa,. Ce: mungdao: wa gyang" lho" ru we' dangman" ra" yaug mae" mungdao: ngad: ra". Yao: wa Davi kham: thug' re sang yaug ngad mung:- ai: kham: re yao: phung" lao" khag' maqo" pyid' ngad: ra". Amung: aire yao: pyid' pye' lao" re: khag' maqo" phung" ngad: ra".

⁸Nao pe" kad' rure ngo ba:. nao mae qam: so' dajhid' za: bo: rure ngo ba:- nao wa nga" mho" shid' khyo re cao" mung:- jhaug' zaug: rure Ngo ba:- ngo wa khag' re: maqo" pyid' ra" kham: ni" qhid' kheim: mae phung" to: va".

⁹Tae" gyo: wa,- Yuda byu re: mangad' ru Yuda byu qe ngad: ga: ta" ra" mo, ai: mhug' hab' qe ngad: ra" Satan" nho: byu qere re: ni" khyid qao: mae li" goe; gyo" nhao nae". Amung: nao re ngo jhid'de; ra" khyo re yao: bam alhab' ba: li" genae".

¹⁰Pe"mung:ga"re nao wa nga" amyin" dao: re zang: qhao" yang: zaui" zag: ci: ava". Amung: myidgaung dao mae" byumyu" alhab' re jham" qu" nae" mug:myid dao khyo joe" li" na: ra" qug: khai: ra" yo, khyin: mae" re: lhaug' zaung" gug: gam byid: nae".

¹¹Ngo wa mataung" myao" lo: joe" li" nae". Nao qo" rure gug: gug: za: zam" ci wa,- airulao" za: ni" nho: aung doe, jhaung qhu" re khag' re: maqo" lhad' yu genae" ngad: ra".

¹²Ngo wa aung doe; ra" yaug re nga" Mao"So: yham mae zang baung: boe" nhao nae"- amung: yao: wa khonhae" re: aimae" mathug' lo nae". Nga" nho: Mao"So: mang we' mug:gaung: dao mae" nga" Mao"So mae" gyo" li" ra" Yerusalem asag' ga" ra" Mao"So: vomo" mang re yao" dao mae ngo tung" te' to: nae". Nga" mang asag' rere: yao" dao mae ngo tung" te' to: nae".

¹³Nao no: de; ngad: re wa Byo: yang phung: jham re ta" ra" dao: re tae" gyo: wa,-

¹⁴Ladoki vogaung: phung" nho: mug: lagyo: re ceru: tung" ke' wa,-