Read Masana CAWA'TA TUNITA 36 Bible Online

CAWA'TA TUNITA 36 - Masana bible

CAWA'TA TUNITA 36

¹Kayni mi jafna vi Esaw ma yum Edomna.

²Esaw yaw boyna valam jar gurona vi Kanaan: Ada goota vi Elon ma Hetiyena. Oholibama goota vi Ana, goota vi Sibeyon ma Heviyena;

³hiɗi Basmat goota vi Ismayel, ɓasum Nebayotta.

⁴Ada vuɗ Elifas mi Esaw, Basmat vuɗ Rewel;

⁵Oholibama vuɗ Yewus, Yayelam hiɗi Kore, nisi kayni si gurona vi Esaw sa nam vuɗsi hay nagat Kanaan.

⁶Esaw yaw boyna valam hiɗi gurona valam sa jufayna hiɗi sa boyna, sum sa hay ziyna valamna, farayna valamu, luwayna hiɗi slen kaf ma nam fum hay nagat Kanaan, nam kali hay nagat tara'a, goy gine'e hiɗi ɓasulumna Yakub.

⁷Nam kaliya, kay farayna visi ŋolo, a nisi lak tam tuwsi kepɗi, liyn ma nisi lakay hayamna may as kay farayna visi petɗi.

⁸Esaw tuɗ mus kulo kay hiɗiyta Seyir. Esaw kayn mi Edom.

⁹Kayni mi jafna vi Esaw, bum Edom, hay li ma nisi ka kulo kay hiɗiyta Seyir.

¹⁰Kayni mi semda vi gurona vi Esaw: Elifas, goora vi Ada, cata valam nam Esaw, Rewel goora vi Basmat.

¹¹Gurona vi Elifas nisi kayni: Teman, Omar, Sefo, Gayetam hiɗi Kenaz.

¹²Timna na' ti cata-sunda vi Elifas, goora vi Esaw, na' vuɗ Amalek mi Elifas, nisi kayni si gurona vi Ada cata vi Esaw.

¹³Kayni mi Sem gurona vi Rewel: Nahat, Zerah, Samma hiɗi Miza. Nisi kayni si gurona vi Basmat cata vi Esaw.

¹⁴Kayni mi sem gurona vi Oholibama; goota vi Ana goota vi Sibeyon cata vi Esaw: Yewus, Yayelam hiɗi Kore, na' vuɗsi mi Esaw.

¹⁵Kayn mi sem sum sa ŋulona vi jafna sa may goy hay Esaw pa: Kayni mi sem gurona vi Elifas, goor ma vuɗi jewna vi Esaw: mulla Teman, mulla Omar, mulla Cefo, mulla Kenaz,

¹⁶mulla Kore, mulla Gayetam, mulla Amalek, kayni si muliyan sa may goy hay Elifas, hay nagat Edom Pana. Nisi kayni si gurona vi Ada.

¹⁷Kayni mi sem gurona vi Rewel, goora vi Esaw: mulla Nahat, mulla Zerak, mulla Samma, mulla Miza. Nisi kayni si muliyan sa may goy hay Rewel, hay nagat Edom, nisi kayni si gurona vi Basmat, cata vi Esaw.

¹⁸Kayni mi sem gurona vi Oholibama, cata vi Esaw: Mulla Yewus, mulla Yayelam hiɗi mulla Kore. Nisi kayn si muliyan sa may goy Oholibama, goota vi Ana cata vi Esaw pana.

¹⁹Kayni mi sem gurona vi Esaw, kayni mi sem muliyana visiya hiɗi jafna visi kafe. Esaw mi Edom.

²⁰Seyir ma Horiyena ma li ziy jew hay nagatna, kayni mi sem gurona valamu: Lotan, Sobal, Sibeyon hiɗi Ana.

²¹Dison, Etser, hiɗi Disan. Nisi kayni si muliyana vi sa Horiyena, gurona vi Seyir, hay nagata vi Edom.

²²Gurona vi Lotan kayni: Hori hiɗi Hemam. Timna na' ti ɓasum Lotanta.

²³Kayni mi sem gurona vi Sobal: Alvan, Manahat, Ebal, Sefo, hiɗi Onam.

²⁴Kayni mi sem gurona vi Sibeyon: Ayya hiɗi Ana. Ana namna kayn mi ma fi kaar ma niyam riŋ goy ku keŋŋa hay fulda, hay li ma nam ka ŋom kurona vi bulum Sibeyon.

²⁵Kayni mi sem gurona vi Ana: Dison hiɗi Oholibama goota vi Ana.

²⁶Kayni mi sem gurona vi Dison Hemdan, Esban, Yitran hiɗi Keran.

²⁷Kayni mi sem gurona vi Etser: Bilhan, Zaavan hiɗi Akan.

²⁸Kayni mi sem gurona vi Disan: Us hiɗi Aran.

²⁹Kayni mi sem muliyana vi sum sa Horiyena: Mulla Lotan, mulla Sobal, mulla Sibeyon, mulla Ana.

³⁰Mulla Dison, mulla Etser, mulla Disan. Nisi kayni si muliyana vi Horiyena, muliyana sa hay nagata Seyir.

³¹Kayni mi sem sum sa ti mulda hay nagata vi Edom jew a mul mara mus kay gurona vi sa Israyella.

³²Bela goora vi Bewor, ti mul kay Edom, sem hoyok-ziyna valam yum ala Dinhaba.

³³Bela mita, Yobab goora vi Zerak ma Bosrana ti mul baŋalamu.

³⁴Yobab mita; Husam ma hay nagat Temanna ti mul baŋalamu.

³⁵Husam mita. Hadad goora vi Bedad ti mul hay baŋalamu. Namu mi ma ci sum sa Madiyanna hay fulda vi Mowab. Sem hoyok-ziyna valam yum ala Awit.

³⁶Hadad mita, Samla ma Masrekana ti mul baŋalamu.

³⁷Samla mita; Sawul ma hay Rehobot kel niy-lumna ti mul baŋalamu.

³⁸Sawul mita, Baal-Hanan goora vi Akbor ti mul hay baŋalamu.

³⁹Baal-Hanan goora vi Akbor mita, Hadar ti mul hay baŋalamu. Sem hoyok-ziyna valam yum ala Paw, sem cata valam ala Mahetabel, na' ti goota vi Matred, goota vi Mezahab.

⁴⁰Kayni mi semda vi muliyana sa may goy vi Esaw pa, kuɗ jafsiya jafsiya, kuɗ nagata visiya visiya, kuɗ semda visiya visiya: Mulla Timna, mulla Alva, mulla Yetet.

⁴¹Mulla Oholibama, mulla Ela, mulla Pinon,

⁴²mulla Kenaz, mulla Teman, mulla Mibsar.

⁴³Mulla Magdiyel, mulla Iram. Nisi kayni si muliyana vi Edom, kuɗ nagat ta nisi cuki haya'ta haya'ta, hay nagat ta vi misita. Kayni mi Esaw bum Edom.