Read Masana CAWA'TA TUNITA 5 Bible Online

CAWA'TA TUNITA 5 - Masana bible

CAWA'TA TUNITA 5

¹Kayni ti ɗerwelda ta jafna vi Adam haya'ta: Hay li ma Lawn li sana, nam lum ki nir tuwan nam Lawn nala.

²Nam insiya, jufna hiɗi cata, nam gi bol kisiya, hay li ma nam lisina, nam kaasi sesi ala «sana».

³Hay li ma busata vi Adam co kis kalam dok-ɦidi, nam vuɗ goor ma juf kep slum nam noŋ ɦoyoŋ'. Nam kaam selem ala Set.

⁴Bugol vu'da vi Set, Adam li busat kis-glafandi lo, nam vuɗ guro sa jufayna hiɗi sa boyna.

⁵Buura vi Adam ma nam mus gaa kay nagat noŋ kaf co kis-zleeŋe hiɗi diram dok-ɦidi, bugol kayni nam mita.

⁶Hay li ma busata vi Set co kis hiɗi diram vasl cona nam vuɗ Enos.

⁷Bugol vu'da vi Enos, Set li busat kis-glafandi hiɗi diram siɗiya. Nam vuɗ guro-jufayna hiɗi sa boyna.

⁸Busata vi Set ta nam la' kay nagata co noŋ pet kis-zleeŋe hiɗi diram doogo yam ma'; bugol kayni nam mita.

⁹Hay li ma Enos li busat dok-zleeŋe, nam vuɗ Kenan.

¹⁰Bugol vu'da vi Kenan, Enos li busat hay nagat kis-glafandi hiɗi diram doogo yam vasl, nam vuɗ guro-jufayna hiɗi guro-boyna kaw.

¹¹Busata vi Enos ta nam la' kay nagat noŋ kaf co kis-zleeŋe hiɗi diram vasl, bugol kayni nam mita.

¹²Hay li ma busata vi Kenan co dok-siɗiya, nam vuɗ Malaleel.

¹³Bugol vu'da vi Malaleel, Kenan li busat kay nagat kis-glafandi hiɗi diram dok-fiɗi lo; nam vuɗ guro-jufayna hiɗi guro-boyna.

¹⁴Kenan li busat hay nagat noŋ kaf kis-zleeŋe hiɗi diram doogo. bugol kayni nam mita.

¹⁵Hay li ma busata vi Malaleel co dok-karkiya yam vasl cona, nam vuɗ Yered.

¹⁶Bugol vu'da vi Yered, Malaleel li busat hay nagat kis-glafandi hiɗi diram dok-ɦidi; nam vuɗ guro-jufayna hiɗi guro-boyna.

¹⁷Busata vi Malaleel ta nam la' kay nagat noŋ kafta co kis-glafandi hiɗi diram dok-zleeŋe yam vasl, bugol kayni nam mita.

¹⁸Hay li ma busata vi Yered co kis hiɗi diram dok-karkiya yam ma' nam vuɗ Henok.

¹⁹Bugol vu'da vi Henok, Yered li busat kay nagat kis-glafandi lo, nam vuɗ guro-jufayna hiɗi guro-boyna.

²⁰Busata vi Yered ta nam la' gaa kay nagat noŋ kaf co kis-zleeŋe hiɗi diram dok-karkiya yam ma; bugol kayni nam mita.

²¹Hay li ma busata vi Henok co dok-karkiya yam vasl cona, nam vuɗ Metusela.

²²Bugol vu'da vi Metusela, Henok poy kuɗ tuwsi hiɗi Lawna ir busat kis-ɦidi, nam vuɗ guro-jufayna hiɗi guro-boyna.

²³Busata vi Henok kay nagata co noŋ pet kis-hiɗi hiɗi diram dok-karkiya yam-vasl.

²⁴Henok poy kuɗ tuwsi hiɗi Lawna, bugolda sa wum loɗi, kay Lawna slum goy sli.

²⁵Hay li ma busata vi Metusela co kis kalam dok-glafandi yam siɗiya cona, nam vuɗ Lamek.

²⁶Bugol vu'da vi Lamek, Metusela li busat hay nagat kis-siɗiya hiɗi diram dok-glafandi yam ma, nam vuɗ guro-jufayna hiɗi guro-boyna.

²⁷Busata vi Metusela hay nagat noŋ kaf co kis-zleeŋe hiɗi diram dok-karkiya yam zleeŋe. Bugol kayni nam mita.

²⁸Hay li ma busata vi Lamek co kis hiɗi diram dok-glafandi yam ma', nam vuɗ goor ma juf kepe.

²⁹Nam tunum selem ala Nuwa. Kay nam di'e: Nam kayni ma vulma tun-sukka kay makka vuma'a, hiɗi lop ma makka kuɗum ŋolo, ma numa ka lum gaa kay nagat na'ta ta Ma-Vatɗin beɗa' goyt waŋŋi.

³⁰Bugol vu'da vi Nuwa, Lamek li busat gaa kay nagat kis-vasl hiɗi diram dok-zleeŋe yam vasl, nam vuɗ guro-jufayna hiɗi guro-boyna.

³¹Busata vi Lamek gaa kay nagat noŋ pet li kis-siɗiya hiɗi diram dok-siɗiya yam siɗiya; bugol kayni nam mita.

³²Hay li ma busata vi Nuwa co kis-vasl cona, nam vuɗ Sem, Kam hiɗi Yafet.