Read Masana 1 MULIYANA 4 Bible Online

1 MULIYANA 4 - Masana bible

1 MULIYANA 4

¹Salomon ay ti mulda kay sum sa Israyella kafe.

²Kayni mi sem sum sa ŋulona valamu: Azariya goora vi mul-ma-ɗifinna Sadok,

³Elihoref hiɗi Akiya, gurona vi Sisa kayn sa ɗo slena; Yosafat goora vi Akilud mi ma ŋom slena;

⁴Benaya goora vi Yehoyada mi ma ŋolla vi sojena; Sadok hiɗi Abiyatar si muliyan-sa-ɗifinna may;

⁵Azariya goora vi Natan mi ma ŋolla vi sa tuni goy kay nagat kafna; Zabud goora vi Natan mi ma ŋolla vi nagata, nam mi bana mullana.

⁶Ahikar mi ma ŋom ziyna vi mulla, Adoniram goora vi Abda mi ma ŋom sa li lop ma ɦiɓiyna.

⁷Salomon tun sum sa ŋulon goy doogo yam ma' kay nagata vi Israyel kafe. Gar sle ma tinay kay mulla hiɗi ziyna valam kayn si nisiya, sa ma kepna sli til kep hay busata.

⁸Kayni mi semda visiya: Goora vi Hur, kay hiɗiyta vi Efrayim.

⁹Goora vi Deker, hay Makas, hay Saalbim, hay Bet-Semes, hay Elon, hay Bet-Hanan kaw.

¹⁰Gurona vi Hesed hay Arrubod, Soko hiɗi nagata vi Hefer ay hay ɓalam kafe.

¹¹Goora vi Abinadab ka hiɗi galla vi Dor hay balam kafe. Tafat goota vi Salomon kayn ti cata valamu.

¹²Baana goora vi Akilud, hay ɓalam kayni Taanak, hiɗi Megiddo, Bet-Seyan kaf ma ka goboy hiɗi Sartan gaa kuɗ Yisreel, fokay hay Bet-Seyan pa ta-ta Abel-Mehola, ta-ta goy bugol Yokmeyam.

¹³Goora vi Geber tuni hay Ramot vi Galaad, naga ma gurayna vi Yayir, goora vi Manase hay Galaad; nagata vi Argob hay Basan kaw ay hay ɓalamu, hoyok-ziy ma ŋulon dok-karkiya ma gulmun koti talamu hiɗi cokorom ma vunamna mi kawaya kaw.

¹⁴Akinadab goora vi Iddo ka hay Mahanayim.

¹⁵Akimaas ka hay Neftali. Cata valam ta nam sla'ta ti Basmat goota vi Salomon.

¹⁶Baana, goora vi Huskay, hay Aser hiɗi Beyalot.

¹⁷Yosafat, goora vi Paruwak, hay Isakar.

¹⁸Simey goora vi Ela hay Benyamin.

¹⁹Geber goora vi Uriyas, hay nagata vi Galaad; naga ma hay ɓalamna kayni: Sihon nagata vi mulla vi sa Amoriyana, hiɗi Og mulla vi Basan. Naga na'ta sa ma musi ka'n kayn kep tuta.

²⁰Sumuna vi Yuda hiɗi Israyel ay ŋolo, ŋray ca ki ŋesl ma goloŋ kel niyn nala. Nisi ka ti'e, ka ci'e, ka li firiya kaw.