Read Masana 1 LABAR-MA-LIYNA 23 Bible Online

1 LABAR-MA-LIYNA 23 - Masana bible

1 LABAR-MA-LIYNA 23

¹David muɗi maari, busay ŋolo, nam tun goora valam Salomon mul kay sa Israyella.

²Nam tok sa ŋulona vi sa Israyel kaf, muliyan-sa-ɗifinna hiɗi sa Levitna.

³Nisi ŋaɓ sa Levitn goyo, tun cawis tam busat dok-ɦidi ta-ta kulo voko, nisi noŋ pet sumun birim dok-ɦidi yam glafandi.

⁴David di'e: Lak sumun goy birim dok-ma' yam fiɗi kay ŋom lopna vi ziyda vi Ma-Vatɗina, sum segen birim karkiya sa ŋomda hiɗi ka' kitata, segen birim fiɗi kay ŋom vun-galana.

⁵Sum segen birim fiɗi kay gi nulla tam Ma-Vatɗina hiɗi sle ma nan kotomu kay suburum hiɗi namna.

⁶David kaasi irsi goy kuɗ gurona vi Levi: Gerson, Kehat hiɗi Merari.

⁷Gurona vi Gerson: Layedan hiɗi Simey.

⁸Gurona vi Layedan: Ma ŋolla Yehiyel, Zetam hiɗi Jowel, nisi ɦidi.

⁹Gurona vi Simey: Selomit, Haziyel hiɗi Haran, nisi ɦidi. Nisi kayni si sa ŋulona vi jafna vi Layedan.

¹⁰Gurona vi Simey: Yahat, Zina, Yewus hiɗi Beriya. Nisi kayni si gurona sa fiɗina vi Simey.

¹¹Yahat mi ma ŋolla visiya, Ziza mi ma ma'na; Yewus hiɗi Beriya may fi guron ŋolɗi, nala hay ŋaɓta jafna visi tap goy kepe.

¹²Gurona vi Kehat: Amram, Yitsehar, Hebron hiɗi Uziyel, nisi fiɗi.

¹³Gurona vi Amram: Aaron hiɗi Musus. Aaron nisi gum ɗifini hiɗi gurona valamu, kay nisi ma lak dok-dok peldete, kay ŋal urdina vok ir Ma-Vatɗina, kay li lopna valamu, kay gi bolda hay semda valamu dok-doko.

¹⁴Musus mi sana vi Lawna, gurona valam ay yiya hiɗi jafna vi Levi.

¹⁵Gurona vi Musus: Gerson hiɗi Eliyezer.

¹⁶Goora vi Gerson: Sebuwel ma ŋolla visiya.

¹⁷Goora vi Eliyezer: Rehabiya ma ŋolla visiya. Eliyezer may vuɗ guro saraɗi, may gurona vi Rehabiya kayni nisi ŋol zututu.

¹⁸Gurona vi Yitsehar: Selomit ma ŋolla.

¹⁹Gurona vi Hebron: Yeriya ma ŋolla, Amarya ma ma'na, Yahaziyel ma ɦidina, Yekamayim ma fiɗina may.

²⁰Gurona vi Uziyel: Mikka ma ŋolla, Yikiya ma ma'na.

²¹Gurona vi Merari: Makli hiɗi Musi. Gurona vi Makli: Eliyazar hiɗi Kis.

²²Eliyazar mit bay fi guro sa jufaya; may nam fi guro sa boyo, gurona vi Kis sa ɓosiyosina yawsi boyo,

²³gurona vi Musi: Makli, Eder hiɗi Yeremot, nisi ɦidi.

²⁴Nisi kayni si gurona vi Levi, kuɗ jafna vi sumaysi sa jufayna, sa ŋulona vi jafna. Kuɗ ŋaɓta ta ŋaɓsi goy kisi kep kepta. Nisi ka lakay hay lopna vi ziyna vi Ma-Vatɗina, tun caw tam busat dok-ma' pa ta-ta kulo voko.

²⁵Kay David di'e: Ma-Vatɗina Lawna vi Israyel vul tun-sukkawa mi sumuna valamu, nam ma mus hay Yerusalem dok-doko kaw.

²⁶Kay sa Levitna kaw, tabernaklena hiɗi jak ma li lop hayamna kaf nisi ma ziyim dok-dok loɗi.

²⁷Ŋaɓta vi gurona vi Levi li kayni kuɗ dita cawta vi David, tun-caw tam busat dok-ma' ta-ta voko.

²⁸Lop ma nisi lum kat gurona vi Aaron hay ziyda vi Ma-Vatɗin kayni: Hay ziyda, muzta-goyta vi slen ma peldetna kaf, slen ma li lop hiɗi namu hay ziyda vi Lawna,

²⁹kay zlar fun yam tuwamu, futuw ma digeɗna kay ɗifinna, fun-bay-kufna, hambul ma cufi hay ŋarakŋa, hiɗi hambul ma ɗiliyna; slen ma ŋaɓ nekka hiɗi fiyokka;

³⁰nisi as co hay graw culumta kaf, kay li yuldeta, kay subur Ma-Vatɗina kaw, hay vulatita kaw,

³¹kay li ɗifin ma ŋal-goyna vok Ma-Vatɗina hay buuri vi sabatna kaf, hay til ma wulina hiɗi buur ma yuldeta kuɗ ŋaɓta vi buura ma gatta colomu, ma nisi ka li kuɗum dok-doko.

³²Nisi ŋom guɗuk ma fi-tuwna, ŋom liyn ma peldetna, ka li kuɗ dita vi gurona vi Aaron sa ɓosiyosina kay li lop hay ziyda vi Ma-Vatɗina.