Read Masana 1 LABAR-MA-LIYNA 24 Bible Online

1 LABAR-MA-LIYNA 24 - Masana bible

1 LABAR-MA-LIYNA 24

¹Vokŋa vi gurona vi Aaron: Nadab, Abihu, Eliyazar hiɗi Itamar.

²Nadab hiɗi Abihu mit jew busiya, kay nisi may vuɗ guroɗi, Eliyazar hiɗi Itamar li lop ɗifinna.

³David hiɗi Sadok jar gurona vi Eliyazar hiɗi Ahimelek jar gurona vi Itamar nisi poŋ ir gurona vi Aaron kuɗ lop ma nisi as lumna.

⁴Sa ŋolona sa jar gurona vi Eliyazar suw sa ŋulona sa jar gurona vi Itamar, kuɗ na'ta jafna vi Eliyazar ɓuraw vokŋa visi doogo yam karkiya, jafna vi Itamar nisi ɓurawam ir vok glafandi may. Hiɗi sa ŋulona visi voksi kaf.

⁵Hay li ma nisi li ɓurawta visiya, nisi ŋaɓsi kuɗ ɦayta, segena hiɗi segen kaf, kay sa sun hay liyn ma peldetna hiɗi sa sunda vi Lawna nisi kaf si gurona vi Eliyazar hiɗi gurona vi Itamar.

⁶Ma ɗo slena Semayeya goora vi Nataneel, ma hay jafna vi Levina, nam ɗosi sesi gaa vok mulla hiɗi sa ɗo slena, vok mul-ma-ɗifinna Sadok, vok Ahimelek goora vi Abiyatar, vok sa ŋulona vi jafna vi muliyan-sa-ɗifinna hiɗi sa Levitna. (Hay ŋaɓta) nisi ŋaɓ sumun ma' hay jafna vi Eliyazar, nisi ŋaɓ sa kep hay jafna vi Itamar may.

⁷Ŋaɓta jewta nig kay Yehoyarib; ta mul ma'ta nig kay Yedaya;

⁸ta mul ɦidita nig kay Harim; ta mul fiɗita nig kay Seworim;

⁹ta mul vaslta nig kay Malkiya; ta mul karkiyata nig kay Miyamin;

¹⁰ta mul siɗiyata nig kay Makkos; ta mul glafandita nig kay Abiya.

¹¹ta mul zleeŋeta nig kay Yosuwa; ta mul doogota nig kay Sekaniya:

¹²ta doogo yam kepta nig kay Eliyasib; ta doogo yam ma'ta nig kay Yakim;

¹³ta doogo yam ɦidita nig kay Huppa, ta doogo yam fiɗita nig kay Yekebeyam;

¹⁴ta doogo yam vaslta nig kay Bilga; ta doogo yam karkiyata nig kay Immer;

¹⁵ta doogo yam siɗiyata nig kay Hezir, ta doogo yam glafandita nig kay Hapitset;

¹⁶ta doogo yam zleeŋeta nig kay Petahya; ta dok-ma'ta nig kay Ezekiyel;

¹⁷ta dok-ma' yam kepta nig kay Yakin; ta dok-ma' yam ma'ta nig kay Gamul;

¹⁸ta dok-ma' yam ɦidita nig kay Delaya; ta dok-ma' yam fiɗita nig kay Maaziya.

¹⁹Ki kayn nala nisi vulsi lopna kay li sunda; kay cuk kalaf hay ziyna vi Ma-Vatɗina kuɗ gatta ta busi Aaron cola'ta, ki Ma-Vatɗina Lawna vi Israyel vulum hagat nala.

²⁰Kayni mi caw gurona vi Levi sa hinna: Goora vi Amram, Subayel; goora vi Subayel: Yehdeya,

²¹hay jafna vi Rehabiya: Gurona vi Rehabiya, ma ŋolla Yikiya.

²²Jar jafna vi Yitsehar: Selomot; goora vi Selomot: Yahat.

²³Benay, Yeriya, Amarya, ma ma'na, Yahaziyel ma ɦidina, Yekameyan ma fiɗina.

²⁴Gurona vi Uziyel: Mikka; jar gurona vi Mikka: Samir;

²⁵Ɓasum Mikkana: Yikiya; jar gurona vi Yikiya; Zakariya.

²⁶Gurona vi Merari: Makli hiɗi Musi, hiɗi gurona vi goora valam Yaaziya.

²⁷Gurona vi Merari, kuɗ gurona valam Yaaziya, Sosam, Zakkur hiɗi Ibri.

²⁸Jafna vi Makli: Eliyazar; nam may fi goorɗi. Jafna vi Kis;

²⁹jar gurona vi Kis kayni: Yerahmeel.

³⁰Gurona vi Musi: Makli, Eder hiɗi Yerimot. Nisi kayni si gurona vi sa Levitna, kuɗ jafna vi sumaysiya.

³¹Nisi kaw, ki ɓosiyosina gurona vi Aaron nala, nisi li ŋaɓta kuɗ ɦayta vok mulla David, Sadok, Ahimelek hiɗi sa ŋulona vi jafna vi muliyan-sa-ɗifinna hiɗi sa Levitna. Nisi li ki kayn nala kay sa ŋulona vi jafna kaf, kay sa kiɗayna jar ɓosiyosin kaw.