Read Masana 1 LABAR-MA-LIYNA 26 Bible Online

1 LABAR-MA-LIYNA 26 - Masana bible

1 LABAR-MA-LIYNA 26

¹Vokŋa vi sa ŋom vun-galana: Jafna vi Kore: Mekelemiya, goora vi Kore, jar gurona vi Asaf.

²Gurona vi Mekelemiya: Zakariya ma vuɗi jewna, Yediyel ma mul ma'na, Zebadiya ma mul ɦidina,

³Yatmiyel ma mul fiɗina, Elam ma mul vaslna, Yohanan ma mul karkiyana, Elyohenay ma mul siɗiyana.

⁴Gurona vi Obed-Edom: Semayeya, ma vuɗi jewna, Yehozabad ma sem ma'na, Yoha ma sem ɦidina, Sakar ma sem fiɗina, Nataneel, ma sem vaslna,

⁵Ammiyel ma sem karkiyana, Isakar ma sem siɗiyana, Pewoltay ma sem glafandina, kay Lawn gum bolo.

⁶Goora valam Semayeya vuɗ gurona, sesi tiy ŋolo hay jafna visiya, kay nisi si sum sa dono'o, sa jufaya.

⁷Gurona vi Semayeya: Otni, Retayel, Obed, Elsabad hiɗi ɓosiyomna, sum sa jufaya, Elihu hiɗi Samakiya.

⁸Nisi kaf kayni si gurona vi Obed-Edom; nisiya, gurona visiya hiɗi ɓosiyosina, si sum sa jufaya, hobay hiɗi donota kay li lopna, gurona vi Obed-Edom kaf dok-karkiya yam ma'.

⁹Gurona vi Mekelemiya hiɗi ɓosiyomna pet doogo yam glafandi, nisi si sum sa jufaya.

¹⁰Hosa, jar gurona vi Merari fi guro'o; Simri ma ŋolla, tunum ŋol mi bulumu, may nam mi ma vuɗi jewnɗi.

¹¹Hilkiya ma mul ma'na, Tebaliya, ma mul ɦidina, Zakariya ma mul fiɗina, gurona vi Hosa hiɗi ɓosiyomna pet doogo yam ɦidi.

¹²Vokŋa vi nisi sa ŋom vun-galana, sa ŋulona visiya hiɗi ɓosiyosin kaw, nisi si sa li lop ŋomda vi vun-ziyna hay ziyda vi Ma-Vatɗina.

¹³Nisi li ŋaɓta kuɗ vun-ziyn kaf, sa ŋulona hiɗi sa gurayn kaw, kuɗ jafna visi kaf.

¹⁴Ŋaɓta nig kay Kelemiya, kay gal ma kuɗuwna. Nisi li ŋaɓta kuɗ ɦayta kay goora valam Zakariya, sa ma vul gatta ma wi yali, ŋaɓta kuɗ ɦayta vulum gal ma gaana.

¹⁵Gal ma kayamna nig kay Obed-Edom, ziy ma cuk jakŋa vuli ɓam gurona valamu.

¹⁶Gal ma vulatina nig kay Suppim hiɗi Hosa hiɗi vun-galana vi Salleket, jik vun hagata ta jik kulota: Sum sa ŋomda segena tuni goy ɗiger vok sa ŋomda segena.

¹⁷Hay gal ma kuɗuwna sum sa Levitna ka karkiya, gal gaa'a sa Levitn fiɗi hay buur kep, gal kayami, sa Levitn fiɗi hay buur kep, sa Levitna sa fiɗin hay vun-galana, hay liyn ir valamu valamu ma';

¹⁸goy hay ŋor-jakŋa, hay gal vulatiya, Levitn fiɗi hay gal hagata, Levitn ma' goy hay ŋor-jakŋa.

¹⁹Nisi kayni si vokŋa vi sa ŋom vun-galana, jar gurona vi Kore hiɗi gurona vi Merari.

²⁰Kep jar sa Levitna, Ahiya nam ka ŋom timgilla hay ziyna vi Lawna, hiɗi timgilla vi sle ma peldetna.

²¹Jar gurona vi Leyadan, gurona vi sa Gersonna may goy hay Layedan, ma ŋolla vi jafna vi Leyadan ma Gersonna, yum Yehiyeli.

²²Gurona vi Yehiyeli, Zetam hiɗi ɓasulumna Jowel, sa ka ŋom timgilla ma hay ziyna vi Ma-Vatɗina.

²³Kay jafna vi Amram, jafna vi Yitsehar, jafna vi Hebron, hiɗi jafna vi Uzzi,

²⁴sa ma ŋom timgilla visi kayni mi Sebuwel goora vi Gerson, goora vi Musus.

²⁵Jar ɓosiyomna valamu sa may goy hay Eliyazar pana, ma goora valam yum Rebiya, ma goora valam yum Esaya, ma goora valam yum Yoram, ma goora valam yum Zikri, ma goora valam yum Selomit,

²⁶Selomit hiɗi ɓosiyomna ka ŋom timgilla ma hiɗi sle ma peldetna ma mulla David hiɗi sa ŋulona vi jafna, sa ŋulona vi vok ma birimna hiɗi vok ma kisna hiɗi sa ŋulona vi sojena vulum goy ɗifini.

²⁷Gal slen ma nisi yawamay vun duura nisi vulum goy ɗifini mi Lawna kay kot tuw ziyna vi Ma-Vatɗin hiɗi namu.

²⁸Slen kaf ma Samuel ma jobta vulum ɗifini, ma Sawul goora vi Kis vulum ɗifini, ma Abner goora vi Ner vulum ɗifini, ma Yowab goora vi Seruya vulum ɗifini hiɗi ma segen vulum ɗifin kafna ŋomom kayn mi Selomit hiɗi ɓosiyomna.

²⁹Jar jafna vi Yisrehat kayni, Kenaniya hiɗi ɓosiyomna ka li lop ma goy jiyna hay Israyel, kay ŋom slena hiɗi ka kitata.

³⁰Jar jafna vi Hebron, Hasabiya hiɗi ɓosiyomna, sum sa jufaya, nisi ir birimi hiɗi kis-siɗiya, nisi ŋom sa Israyella, goy bugol Yordan, hay gal vulatiya, kay lopna vi Ma-Vatɗina hiɗi lopna vi mulla kafe.

³¹Kay jafna vi sa Hebronna, Yeriya mi ma ŋolla vi sa Hebronna kuɗ sumaysi sa jufayna, hay busata dok-fiɗita vi David hay mulda, nisi feka, nisi fi sum sa jufayna jarsiya hay Yayezer hay Galaad.

³²Ɓosiyomna, sum sa jufaya, nisi birim ma' hiɗi kis-siɗiya, sa ŋulona vi jafna. Mulla David tunsi kay jafna vi Ruben, jafna vi Gad hiɗi gal-jafna vi Manase, kay lopna vi Lawna hiɗi lopna vi mulla kaf.