Read Masana 1 LABAR-MA-LIYNA 27 Bible Online

1 LABAR-MA-LIYNA 27 - Masana bible

1 LABAR-MA-LIYNA 27

¹Gurona vi Israyel kuɗ ŋaɓta visiya, sa ŋulona vi jafna, sa ŋulona vi vok ma birimna hiɗi vok ma kisna, sojena sa ka gut kuɗ mulla hay lopna vi vok-ma-duura, cota visiya hiɗi kalta visiya, hay tilla tilla kaf, hay tilla ma jar busat kafna, vok-ma-duur kep ka hiɗi sumun hayam birim dok-ma' yam fiɗi.

²Kuɗ vok-ma-duura ma jewna, kay til ma jewna, Yakobeyam goora vi Zabdiyel; vok-ma-duura valamu ka hiɗi sumun birim dok-ma' yam fiɗi.

³Namu mi kep jar gurona vi Peres. Sa ŋulona vi sojena vi vok-ma-duura vi til ma jewna kaf nam ka tuni voksiya.

⁴Kuɗ vok-ma-duura vi til ma ma'na vi Doday, ma Ahohitna; sa ma tuni vok vok-ma-duura namna mi Miklot; hay vok-ma-duura valamu sumun ka birim dok-ma' yam fiɗi.

⁵Ma ŋolla vi vok-ma-duura ma mul ɦidina, kay til ma ɦidina mi Benaya, goora vi mul-ma-ɗifinna Yehoyada, ma ŋolla; sojen ka birim dok-ma' yam fiɗi hay vok-ma-duura valamu.

⁶Benaya namna mi sa ma dono'o jar sa dok-ɦidina; nam mi ma ŋolla visiya, goora valamu Ammizadab ka hay vok-ma-duura valamu.

⁷Ma mul fiɗina kay til ma fiɗina mi Asayel ɓasum Yowabna; bugolom namu mi Zebadiya goora valamu, hay vok-ma-duura valamu sojen ka birim dok-ma' yam fiɗi.

⁸Ma mul vaslna, kay til ma vaslna mi ma ŋolla vi sojena Samehut ma hay Yisran; hay vok-ma-duura valamu sojen ka birim dok-ma' yam fiɗi.

⁹Ma mul karkiyana kay til ma karkiyana vi Ira, goora vi Ikes, ma Tekowana; hay vok-ma-duura valamu sojen ka birim dok-ma' yam fiɗi,

¹⁰ma mul siɗiyana, kay til ma siɗiyana, Heles ma Pelonna jar gurona vi Efrayim; sojen ka birim dok-ma' yam fiɗi hay vok-ma-duura valamu.

¹¹Ma mul glafandina, kay til ma glafandina, Sibbekay ma Husana, hay jafna vi sa Zerahna; sojen ka birim dok-ma' yam fiɗi hay vok-ma-duura valamu.

¹²Ma mul zleeŋena, hay til ma zleeŋena, Abiyezer ma Ananotna, hay jafna vi Benyamin; sojen ka birim dok-ma' yam fiɗi hay vok-ma-duura valamu.

¹³Ma doogona kay til ma doogona, Maharay ma Netofana, hay jafna vi Zerah; sojen ka birim dok-ma' yam fiɗi hay vok-ma-duura valamu.

¹⁴Ma doogo yam kepna, kay til ma doogo yam kepna, Benaya ma Piratonna, jar gurona vi Efrayim; sojen ka birim dok-ma' yam fiɗi hay vok-ma-duura valamu.

¹⁵Ma doogo yam ma'na, kay til ma doogo yam ma'na, Helday ma Netofana, hay jafna vi Otniyel. Sojen ka birim dok-ma' yam fiɗi hay vok-ma-duura valamu.

¹⁶Sa ka tuni vok jafna vi Israyel: Kuɗ jafna vi Ruben: Sa ma tuni voksina mi Eliyezer goora vi Zikri; kuɗ jafna vi Simeyon: Sefatiya goora vi Maaka;

¹⁷kuɗ jafna vi Levi: Hasabiya goora vi Kemuwel; kuɗ jafna vi Aaron: Sadok;

¹⁸kuɗ jafna vi Yuda: Elihu, ɓosiyom Davidna; kuɗ jafna vi Isakar: Omri, goora vi Mikayel;

¹⁹kuɗ jafna vi Zabulon: Yismaya goora vi Abdiyas; kuɗ jafna vi Neftali: Yerimot goora vi Azriyel;

²⁰kuɗ jafna vi gurona vi Efrayim: Hoseya, goora vi Azaziya; kuɗ gal-jafna vi Manase, Jowel goora vi Pedaya;

²¹kuɗ gal-jafna vi Manase hiɗi Galaad: Yiddo goora vi Zakariya; kuɗ jafna vi Benyamin, Yaasiyel goora vi Abner;

²²kuɗ jafna vi Dan: Azareel goora vi Yeroham. Nisi kayni si soje sa ŋulona vi jafna vi Israyel.

²³Sum sa busata visi coy dok-ma' hiɗi sa busata visi bay co dok-ma' tuwana David may li ŋaɓta visi goyɗi, kay Ma-Vatɗin di ala sum sa Israyella nam min lisi ŋol dak-dak ki mislek ma dukalawn nala.

²⁴Yowab goora vi Seruya, tun caw li ŋaɓta vi sumuna, may nam may vat ŋaɓta goyɗi, kayni ɓulak dik Ma-Vatɗina kat sa Israyella. Sum sa nam ŋaɓsi goyna nisi may ɗoy gaa hay ɗerwelda vi labar ma Liyna vi mulla Davidɗi.

²⁵Sa ma ŋom slena vi mulla mi Azmavet goora vi Adiyel; sa ma ŋom sle ma hay sinena, hay hoyok-ziy ma ŋulona, hay hoyok-ziy ma gurayna hiɗi simdira: Yonatan goora vi Oziyas;

²⁶ma ŋom sum sa hay sinena, sa ka zum sinena: Ezri, goora vi Kelub;

²⁷ma ŋom gulda-guldana: Simey, ma hay Rama; ma ŋom vinna ma may goy hay sine gulda-guldana: Zabdi, goora vi Kefam;

²⁸sa ma ŋom gu-olive hiɗi gu-sikomora hay liyn ma beɗna: Baal-Hanan ma hay Geder; ma ŋom mulla: Yowas;

²⁹ma ŋom luwayna ma ka ti hatna hay Saron: Kitray ma hay Saron; ma ŋom luwayna ma ka ti hatna hay lokŋa: Safat, goora vi Adlay;

³⁰ma ŋom lamgana: Obil, ma Ismayella; ma ŋom kurona; Yedya, ma hay Meronot;

³¹ma ŋom fukunayna: Yaziz ma hay jaf Hagar. Nisi kaf kayni si sa ŋulona sa ŋom slena vi mulla David.

³²Yonatan ma nasum Davidna, mi ma vul gatta. Namu mi sa ma yalam wi ŋolo. Namu mi ma ɗo slena; Yehiyel goora vi Hakmoni mi ma ŋom gurona vi mulla.

³³Ahitofel kayni mi sa ma vul gatta mi mulla; Husay ma Arkiyena mi bana mulla;

³⁴bugol Ahitofel mi Yehoyada goora vi Benaya hiɗi Abiyatar; Yowab mi ma ŋolla vi sojena vi mulla.