Read Masana 1 LABAR-MA-LIYNA 4 Bible Online

1 LABAR-MA-LIYNA 4 - Masana bible

1 LABAR-MA-LIYNA 4

¹Gurona vi Yuda: Peres, Hesron, Karmi, Hur hiɗi Sobal.

²Reyaya goora vi Sobal vuɗ Yahat, Yahat vuɗ Ahumay hiɗi Lahad. Nisi kayni si vuɗna vi Soreyatna.

³Kayni si jafna vi bum Etam: Yisreel, Yikma hiɗi Yikbah. Ɓasusita semda va' ala Hatselelponi.

⁴Penuwel mi bum Gedor hiɗi Ezer bum Husa. Nisi cani si gurona vi Hur, goor ma vuɗi jewna vi Efrata, bum Betlehem.

⁵Akhur bum Tekowa yaw boy ma', Heleya hiɗi Naara.

⁶Naara vuɗum Ahusam, Hefer, Temeni hiɗi Ahaktari. Nisi cani si gurona vi Naara.

⁷Gurona vi Heleya: Seret, Sohar hiɗi Etnan.

⁸Kos vuɗ Anub hiɗi Hatsobeba, hiɗi jafna vi Aharehel goora vi Harum.

⁹Yayebes nisi minim ŋolo suw ɓosiyomna, sulum tunum selem ala Yayebes kayn kuɗ ta ala na' vuɗum hiɗi makka.

¹⁰Yayebes yi sem Lawna vi Israyel, nam ka di ala: La naŋ hoban hiɗi bolda, la naŋ ɦur vun nagata van goyo, la naŋ ka hiɗi nanu, la naŋ li ala, jaran ja goy gine'e hiɗi joota hiɗi makka. Lawn vulum va ma nam jobom kalamna.

¹¹Kelub ɓasum Subana vuɗ Mehir, namu mi bum Ekton.

¹²Ekton vuɗ Bet-Rafa, Paseya hiɗi Tehinna, bum hoyok-ziyna vi Nahak. Nisi kayni si sumuna vi Reka.

¹³Gurona vi Kenaz: Otniyel hiɗi Seraya. Gurona vi Otniyel: Hatat,

¹⁴hiɗi Mewonotay ma vuɗ Ofra. Seraya vuɗ Yowab, namu mi bum lokŋa vi sa kot slena; kay nam kay tuwamu mi sa ma kot slena.

¹⁵Gurona vi Kaleb goora vi Yefune: Iru, Ela hiɗi Naam, hiɗi gurona vi Ela, hiɗi Kenaz.

¹⁶Gurona vi Yehalelel: Zif, Zifa, Tirya hiɗi Asareel.

¹⁷Gurona vi Esdras: Yeter, Mered, Efer hiɗi Yalon, (cata vi Mered) vuɗ Miriyam, Samay hiɗi Yikbah, bum Ektemowa.

¹⁸Cata valamu ta Yudata vuɗ Yered, bum Gedor, Heber, bum Soko hiɗi Yekutiyel, bum Zanowa. Nisi kayni si gurona vi Bitya, goota vi Farawn, ta Mered sla' cata.

¹⁹Gurona vi cata vi Hodiya, ɓasum Nahamta: Bum Keyla ma Garmiyena, hiɗi Ektemowa ma Maakatiyena.

²⁰Gurona vi Simon: Annon, Rinna, Ben-Hanan hiɗi Tilon. Gurona vi Yikey: Zohet hiɗi Ben-Zohet.

²¹Gurona vi Sela goora vi Yuda: Er bum Leka, Laheda, bum Maresa, jafna vi sum sa li lopna vi duɓar barawna, hay ziyna vi Akbeya,

²²hiɗi Yokim, hiɗi sum sa hay Kozebana, Yowas hiɗi Saraf, sa ti mulda kay Mowabna, hiɗi Yakubi-Lehem. Slen cani ɓa-ɓa.

²³Nisi kayni si sum sa in dowayna hiɗi sum sa gi zlaɓna; tam sinena, nisi lakay kulo goboy kat mulla, nisi ka lum lopna.

²⁴Gurona vi Simeyon: Nemuwel, Yamin, Yarib, Zerah, Sawul;

²⁵Sallum, goora valam Mibsam, goora valam Misema.

²⁶Gurona vi Misema: Hammuel, Zakkur, Simey.

²⁷Simey vuɗ guro sa jufayn doogo yam karkiya, hiɗi guro sa boyn karkiya. Ɓosiyomna may vuɗ guron ŋolɗi. Vuɗna visi may biya ŋolo ki gurona vi Yuda naɗi.

²⁸Nisi ka lakay ziy hay Ber-Seba, hay Molada, hay Hatsar-Suwal,

²⁹hay Bilha, hay Etsem, hay Tolad,

³⁰hay Betuwel, hay Horma, hay Siklag,

³¹hay Bet-Markabot, hay Hatsar-Susim, hay Bet-Birey, hiɗi Saarim. Nisi ay ki kayni nala ta-ta tam mulda vi David,

³²hoyok-ziyna visi ma ŋulona hiɗi ma gurayna ki Etam, Ayin, Rimmon, Token, hiɗi Asan, hoyok-ziyn vasl;

³³hiɗi hoyok-ziy ma gurayn kaf ma ka ŋuyi tam hoyok-ziy namna ta-ta hay Baal. Kayni mi liyn ma lakka visiya hiɗi jafna visiya.

³⁴Mekobad; Yamlet; Yosa; gurona vi Amatsiya;

³⁵Jowel, Yehu, gurona vi Yokibiya, goora vi Seraya, goora vi Asiyel,

³⁶Elyohenay, Yaakoba; Yekohaya, Asaya, Adiyel, Yesimiyel, Benaya,

³⁷Ziza, goora vi Sifey, goora vi Allon, goora vi Yedaya, goora vi Simri, goora vi Semayeya,

³⁸sum sa nay yi semda visi tan kayni nisi si sa ŋulona kuɗ jafna visiya, jafna visi biya ŋolo.

³⁹Nisi kali ta-ta hay vun Gedor, ta-ta hay gal kuɗuwu vi lokŋa, kay gar liyn ma hatna kay farayna visiya.

⁴⁰Nisi fi hat ma goɗayna ma ŋaana, nagata ta beɗay ŋolo kaw, ta tuni kiliŋ hay sle'ta, kay sum sa li ziy haya' jewna nisi si jafna vi Kam.

⁴¹Hay liyna vi Ezekiyas mulla vi Yuda kayni, sum nisi sa nay yisi sesin lakŋi co'o; guɗukŋa hiɗi liyn ma buura hay liy namna nisi tom gaa'a, sum sa hayna nisi cisi goyo, nisi lak hay baŋalsiya ta-ta vaydi, kay liyn ma hatna kay farayna visi ka'a.

⁴²Gurona vi Simeyon kaw, nisi ir sumun kis-vasl, nisi kali kay hiɗiyt Seyir. Sum sa tuni voksin kayni: Pelatiya, Nehariya, Refaya, hiɗi Uziyel, gurona vi Yikey.

⁴³Dir sumuna vi Amalek sa pir goyna nisi cisi goyo, nisi lak hay liy namna ta-ta vaydi.