Read Masana 1 LABAR-MA-LIYNA 5 Bible Online

1 LABAR-MA-LIYNA 5 - Masana bible

1 LABAR-MA-LIYNA 5

¹Gurona vi Ruben, ma vuɗi jewna vi Israyel. Kay namu mi ma vuɗi jewna; may kay nam muɗ liyn ma buura vi bulum liwisi, nisi sli ŋolda valam goyo, vula' mi gurona vi Yosef goora vi Israyel; ki kayn nala Ruben selem may ɗoy kulo voko kuɗ ŋolda valamɗi.

²Hay gasita, Yuda nam muɗ dono ŋolo suw guro-biyomna, sa ma tun vok sumuna may goy hay nam pa; may ŋolda na' vi Yosef.

³Gurona vi Ruben ma vuɗi jewna vi Israyel: Henok, Pallu, Hesron hiɗi Karmi.

⁴Gurona vi Jowel: Semayeya, Gog, Simey,

⁵Mikka, Reyaya, Baal;

⁶Beera, ma Tiglat-Pilneser[4] mulla vi Asiriya kalam gorvo'o, namu mi ma ŋolla vi jafna vi Ruben.

⁷Ɓosiyom Beera, kuɗ vuɗna visiya, ki nisi ka ɗoy kuɗ tuwsi nala: Ma jewna Yeyel, Zakariya,

⁸Bella, goora vi Azaz, goora vi Sema, goora vi Jowel, nam musi ziy hay Arower, ta-ta hay Nebo hiɗi Baal-Mewon;

⁹hay gal ma kuɗuwna, nam ka musi ta-ta goy vun fulda, tun caw tam niy-lumna Eufrata pa, kay farayna visi ay ŋolo hay nagata Galaad.

¹⁰Hay liyna vi Sawul kayni, nisi li duura hiɗi sum sa Hagariyena, nisi kol kisiya; nisi lak hay guɗukŋa visiya, hay gal ma kuɗuwna vi Galaad kafe.

¹¹Gurona vi Gad ka lakay goy voksi ɗiger hay nagata vi Basan, ta-ta hay Salka.

¹²Jowel ma jewna, Safan ma ma'na, Yayenay hiɗi Safat hay Basan.

¹³Ɓosiyosina kuɗ vuɗna visiya visiya: Mikayel, Mesullam, Seba, Yoray, Yayekan, Ziya hiɗi Eber, nisi siɗiya.

¹⁴Kayni si gurona vi Abihayil, goora vi Huri, goora vi Yarowak, goora vi Galaad, goora vi Mikayel, goora vi Yesisay, goora vi Yahdo, goora vi Bowaz;

¹⁵Ahi goora vi Abdiyel, goora vi Guni mi ma ŋolla vi jafna visiya.

¹⁶Nisi ka li ziy hay Galaad, hay Basan hiɗi naga ma kuɗumna, hiɗi voora vi Saron kaf, ta-ta hay vunam ma vat goyna.

¹⁷Nisi ŋaɓsi goyo kuɗ jafna visi kaf hay liyna vi Yotam mulla vi Yuda, hay liyna vi Yerobowam mulla vi Israyel kaw.

¹⁸Jafna vi Ruben, jafna vi Gad hiɗi gal-jafna vi Manase ka hiɗi sum sa nagayn jarsiya, sa asay kay ziy marayna hiɗi kew-gaferaŋa, dur hiɗi ɓarawta, sa hatay duura noŋ pet nisi birim dok-fiɗi yam fiɗi diram kis-siɗiya kalam dok-karkiya, sa asay kay tuɗ vun duura.

¹⁹Nisi li duura hiɗi sum sa Hagariyena, sum sa Yetura, hiɗi sa Nafisna hiɗi sa Nodabna.

²⁰Nisi fi gutda kay sa Hagariyena hiɗi sum sa kuɗsina vulis goy hay ɓisi kafe. Kay hay buura vi duur kayni, nisi tiy tam Lawna, nam hum tiyta visiya, kay nisi vul tuwsi hay ɓalamu.

²¹Nisi yaw farayna vi sum nisina: Lamgan birim dok-vasl, fukunayna birim kis-ma' hiɗi diram dok-vasl, kuron birim ma', sumun birim kis kaw.

²²Kay hay buur namna sumun mit ŋolo, kay duur namna may vi Lawn pa. Nisi lak hay baŋalsiya ta-ta nisi kalsi goy gorvo kafe.

²³Gurona vi gal-jafna vi Manase ka lakay ziy hay nagata, fokay hay Basan pa ta-ta Baal-Hermon, hay Senir pa, ta-ta tam hiɗiyta vi Hermon; nisi ŋolo.

²⁴Kayni si sa ŋulona vi jafna visiya: Efer, Yikey, Eliyel, Azriyel, Yeremiyas, Hodaviya hiɗi Yahdiyel, sum sa dono'o, faray kaw, sum sa sesi tiya, kayni si nisi sa ŋulona vi jafna.

²⁵May nisi noy Lawna vi sumaysi goyo, tun caw muɗ tuwsi viyuwu kuɗ lawayna vi sum sa hay nagata sa Lawn ɓulaksi goy voksina.

²⁶Lawna vi Israyel zut Pul mulla vi Asiriya katsiya, nam zut Tilgat-Pilneser[5] mulla vi Asiriya katsiya. Tilgat-Pilneser yaw jafna vi Ruben, jafna vi Gad hiɗi gal-jafna vi Manase, nam kalsi hay Halah, hay Habor, hay Hara, kel niy-lumna Gosan kaw, nisi lak ɗawni ta-ta vaydi.

²⁷Gurona vi Levi: Gerson, Kehat, hiɗi Merari

²⁸gurona vi Kehat: Amram Yitsehar, Hebron hiɗi Uziyel. Gurona vi Amram: Aaron hiɗi Musus, hiɗi Miriyam. Gurona vi Aaron: Nadab, Abihu, Eliyazar hiɗi Itamar.

²⁹Gurona vi Amram: Aaron hiɗi Musus; hiɗi Miriyam. Gurona vi Aaron: Nadab, Abihu, Eliyazar hiɗi Itamar.

³⁰Eliyazar vuɗ Fineyas; Fineyas vuɗ Abisuwa;

³¹Abisuwa vuɗ Bukki, Bukki vuɗ Uzzi;

³²Uzzi vuɗ Zerahya, Zerahya vuɗ Merayot;

³³Merayot vuɗ Amarya; Amarya vuɗ Ahitub,

³⁴Ahitub vuɗ Sadok, Sadok vuɗ Ahimaas;

³⁵Ahimaas vuɗ Azariya; Azariya vuɗ Yohanan;

³⁶Yohanan vuɗ Azariya ma li lop ɗifinna hay Tempella ma Salomon inim hay Yerusalemna.

³⁷Azariya vuɗ Amarya; Amarya vuɗ Ahitub;

³⁸Ahitub vuɗ Sadok; Sadok vuɗ Sallum;

³⁹Sallum vuɗ Hilkiya; Hilkiya vuɗ Azariya;

⁴⁰Azariya vuɗ Seraya; Seraya vuɗ Yehotsadak.

⁴¹Hay li ma Ma-Vatɗina yaw sa Yudana hiɗi Yerusalem goy gorvo hay ɓam Nebukadnesar kayni, Yehotsadak kali (gorvo'o) hay na'ta.