Read Masana 1 LABAR-MA-LIYNA 9 Bible Online

1 LABAR-MA-LIYNA 9 - Masana bible

1 LABAR-MA-LIYNA 9

¹Sum sa Israyel kaf ka ŋaɓaya, sesi ka ɗoy hay ɗerwella vi muliyana vi Israyel.

²Jafna vi Yuda ka yaway goy gorvo'o hay Babilon, kuɗ bay-ɗigerta visiya, sum sa lak hay liyna visi hay hoyok-ziyn jewn kayni si sa Israyella, muliyan-sa-ɗifinna, sa Levitna hiɗi sa Netiniyena.

³Gurona vi Yuda, gurona vi Benyamin, gurona vi Efrayim hiɗi gurona vi Manase lak hay Yerusalem.

⁴Utay, goora vi Amihud, goora vi Omri, goora vi Imri, gurona vi Bani, jar gurona vi Peres, goora vi Yuda.

⁵Sa Silonitna, Asaya, goor ma vuɗi jewna, hiɗi gurona valamu.

⁶Gurona vi Zerah ma': Yewel hiɗi ɓosiyomna, nisi kis-karkiya hiɗi diram dok-zleeŋe.

⁷Gurona vi Benyamin: Sallu, goora vi Mesullam, goora vi Hodaviya, goora vi Hasenuwa;

⁸Yibneya, goora vi Yeroham; Ela goora vi Uzzi, goora vi Mikri; Mesullam, goora vi Sepatiya, goora vi Rewel, goora vi Yibneya;

⁹ɓosiyosina kuɗ dersiya, kis-zleeŋe hiɗi diram dok-vasl yam karkiya. Sum nisin kaf kayni si sa ŋulona vi jafna visiya hay jafna vi sumaysiya.

¹⁰Muliyan-sa-ɗifinna: Yedaya, Yehoyarib; Yakin;

¹¹Azariya goora vi Hilkiya, goora vi Mesullam, goora vi Sadok, goora vi Merayot, goora vi Ahitub, ma coli vokŋa hay ziyda vi Lawna;

¹²Adaya goora vi Yeroham, goora vi Paskur, goora vi Malkiya; Mayesay, goora vi Adiyel, goora vi Yahzera, goora vi Mesullam, goora vi Mesilemit, goora vi Immer,

¹³hiɗi ɓosiyosina, sa ŋulona vi jafna visiya, nisi pet birim kep kalam kis-siɗiya hiɗi diram dok-karkiya. Sum sa nagayna, sa ka hay lopna vun ziyda vi Lawna.

¹⁴Sa Levitna: Semayeya, goora vi Hasub, goora vi Azrikam, goora vi Hasabya, gurona vi Merari;

¹⁵Bakbakar; Heres; Galal; Mattaniya, goora vi Mikka, goora vi Zikri, goora vi Asaf;

¹⁶Abdiyas goora vi Semayeya, goora vi Galal, goora vi Yedutun; Berekiya, goora vi Asa, goora vi Elkana, ma ka musi hay nagata vi sum sa Netofana.

¹⁷Sa ŋom vun-galana: Sallum, Akub, Talmon, Ahiman hiɗi ɓosiyosina; Sallum mi ma ŋolla visiya,

¹⁸ta-ta vaydi nam ka ŋom vun-galana vi mulla ma gal kuɗuwna. Nisi kayni si sa ŋom vun-galana, hay kaŋŋa vi gurona vi Levi.

¹⁹Sallum goora vi Kore, goora vi Ebiyasaf, goora vi Kore hiɗi guro-biyomna sa hay ziyna vi bulumna, sa Korena, lopna visi kayni kay ŋom vun guɗukŋa; sumaysiya ay ŋom vun-galana vi kaŋŋa vi Ma-Vatɗina.

²⁰Fineyas goora vi Eliyazar ay jewe mi ma tuni voksina. Ma-Vatɗina ay hiɗi namu.

²¹Zakariya goora vi Mekelemiya mi ma ŋom vun guɗuk ma fi-tuwna.

²²Nisi ay noŋ pet kis-ma' hiɗi diram dok-ma', vilekiya kay ŋom vun-galana, sesi ɗoya kuɗ nagata visiya visiya; David hiɗi Samuel ma wi-vokomna tunsi hay lopna visiya.

²³Nisiya hiɗi gurona visiya ka ŋom vun-galana vi ziyna vi Ma-Vatɗina, hiɗi ziyda vi guɗuk ma fi-tuwna.

²⁴Sa ŋom vun-galana ka hay gef-ziyn fiɗi pete: Gal kuɗuwu, gal vulatiya, gal gaa'a hiɗi kayami.

²⁵Ɓosiyosina sa hini ay vutoŋ bugolsina, as sli liyna kay co katsiya ir buur siɗiya kafe.

²⁶Kay sum sa ŋom vun-galana sa fiɗina sa ŋulona vi Levitna lakŋi nisi dok-dok ka hay lopna; lo nisi ŋom hay ziyna hiɗi timgil ma hay ziyda vi Lawna;

²⁷nisi bur henjet kayni ŋuyi goy kat ziyda vi Lawna, kay nisi ka ŋoma'a, kay lopna visi kayni kay mala' vuna' goyo hay graw culumta kafe.

²⁸Segena jar sa Levitna ka ŋom jakŋa ma li lopna, hay li ma nisi cukay kalafi, nisi ŋaɓam goyo, hay li ma nisi cuk goyo, nisi ŋaɓam goyo kaw.

²⁹Sum segen yiya kay ŋom jak ma hay liy ma peldetna, kay ŋom futuw ma digeɗna, vinna, mula, urdina hiɗi aromatna.

³⁰Urdi ma aromatna kotom kayni si gurona vi muliyan-sa-ɗifinna.

³¹Matita, kep jar sa Levitna, ma vuɗi jewna vi Sallum ma Korena lopna valam kayni mi hambulla ma koti hay ŋarakŋa.

³²Segena jar guro-biyosina, jar sa Kehatna, lopna visi kayni kay ŋom funa ma zlaram kay tuwamna; nisi ka kotom hay jar lumut lumut kafe.

³³Nisi kayni si sa gi nulla, sa ŋulona hay jafna vi sa Levitna, sa ka lakay hay ziyna, nisiya lop mara may kisiɗi, kay nisi li lop kayni hay henjeta hiɗi falayta.

³⁴Nisi kayni si sa ŋulona hay jafna vi sa Levitna, sa ŋulona kuɗ dersi kafe. Nisi lakay kayni hay Yerusalem.

³⁵Yeyel bum Gabawon, nam musi kayni hay Gabawon, cata valamu ya' ala Maaka.

³⁶Abdon goora valam ma vuɗi jewna, bugol kayni Sur, Kis, Baal, Ner, Nadab,

³⁷Gedor, Ahiyo, Zakariya, hiɗi Miklot.

³⁸Miklot vuɗ Simeyam, nisi kaw ay lakay kat ɓosiyosina: Nisi lakay hay Yerusalem hiɗi ɓosiyosina.

³⁹Ner vuɗ Kis, Kis vuɗ Sawul, Sawul vuɗ Yonatan, Malkisuwa, Abinadab hiɗi Ekbaal.

⁴⁰Goora vi Yonatan: Merib-Baal, Merib-Baal vuɗ Mikka,

⁴¹gurona vi Mikka: Piton, Melek hiɗi Tahereya.

⁴²Ahaz vuɗ Yayera, Yayera vuɗ Alemet, Azmavet hiɗi Zimri, Zimri vuɗ Motsa, Motsa vuɗ Bineya.

⁴³Refaya, goora valamu, Eliyasa goora valamu; Atsel goora valamu.

⁴⁴Atsel vuɗ guron karkiya, kayni semda visiya: Azrikam, Bokru, Ismayel, Kezriya, Abdiyas hiɗi Hanan. Nisi lakŋi si gurona vi Atsel.